DAAD - სამეცნიერო სლემი "Falling Walls Lab 2025"

2025 წლის 31 მაისს გერმანიის აკადემიური გაცვლის სამსახური (DAAD) საქართველოში ორგანიზებას უკეთებს სამეცნიერო სლემს "Falling Walls Lab 2025", რომელიც საქართველოს ეროვნულ მუზეუმში გაიმართება.

Falling Walls Lab 2025 წარმოადგენს პლატფორმას ცოდნის გაცვლისა და ნეტვორკინგისათვის მკვლევრებისა და ახალგაზრდა მეცნიერებისთვის საბუნებისმეტყველო მეცნიერებების, პოლიტიკის, ჰუმანიტარული და სოციალური მეცნიერებების, ეკონომიკისა და ხელოვნების სფეროდან.

ღონისძიებაში მონაწილეობა უფასოა და მონაწილეებმა უნდა წარმოადგინონ 3-წუთიანი პრეზენტაცია ინოვაციურ იდეებსა და კვლევით პროექტებთან დაკავშირებით, ლოკალური და გლობალური გამოწვევების შესახებ. ეს პლატფორმა აძლევს სტუდენტებს, მკვლევრებს, სტარტაპერებსა და ახალგაზრდა შემოქმედებს შანსს,  წარადგინონ თავიანთი იდეა, კვლევა ან პროექტი 3 წუთში — ფორმატით, რომელსაც „3-წუთიანი პრეზენტაცია“ ეწოდება.

სააპლიკაციო განაცხადის წარდგენისა და ონლაინდარეგისტრირების ვადაა 2025 წლის 2 მაისი. 

ღონისძიებამდე ყველა მონაწილეს საშუალება ეძლევა, დაესწროს ვორკშოპს პრეზენტაციის უნარების გასაუმჯობესებლად.

თითოეული რეგიონული „Falling Walls Lab“-დან ჟიური ირჩევს გამარჯვებულს, რომელიც 2025 წლის 7 ნოემბერს მონაწილეობას მიიღებს ბერლინში დაგეგმილ „Falling Walls Labs“-ის დახურვის ღონისძიებაში.

კონტაქტისთვის:
ანიკა ფრიზე (Anika Freese)
ელ.ფოსტა: anika.freese@daad-lektorat.de