ონლაინ რეგისტრაცია

როგორ დარეგისტრირდეთ?

აპლიკანტები უნდა დარეგისტრირდნენ ონლაინ, მოცემულ ბმულზე.

გთხოვთ, დარეგისტრირებამდე ყურადღებით გაეცნოთ ყველა მოთხოვნილ დოკუმენტს, რათა განაცხადის პროცესი შეუფერხებლად წარიმართოს.

გთხოვთ, გაითვალისწინოთ, რომ ყველა სავალდებულო დოკუმენტი წარმოდგენილი იყოს PDF ფორმატში; განაცხადი, რომელიც შეიცავს PDF-გან განსხვავებული ფორმატის დოკუმენტებს, განხილვას არ დაექვემდებარება. ასევე, გთხოვთ, გაითვალისწინოთ, რომ სავალდებულოა ყველა დოკუმენტი იყოს ქართულად ნათარგმნი და ნოტარიულად დამოწმებული (იმ შემთხვევაში თუ, აპლიკანტი სტუ-ის მომსახურების სერვისს არ იყენებს).

ბაკალავრიატის საგანმანათლებლო პროგრამაზე განაცხადის შემთხვევაში, აუცილებელია შემდეგი დოკუმენტები:

• პასპორტი;
• სრული ზოგადი განათლების დამადასტურებელი სერტიფიკატი და მისი დანართი/ტრანსკრიპტი

მაგისტრატურის საგანმანათლებლო პროგრამაზე განაცხადის შემთხვევაში, აუცილებელია შემდეგი დოკუმენტების წარმოდგენა:

• პასპორტი;
• ბაკალავრის დიპლომი და მისი დანართი/ტრანსკრიპტი.

ინგლისურ ან რუსულ ენაზე განხორციელებულ პროგრამაზე განაცხადის შემთხვევაში, აუცილებელია ინგლისური/რუსული ენის ცოდნის დამადასტურებელი სერტიფიკატის წარმოდგენა მინიმუმ B1 დონეზე (გარდა იმ შემთხვევისა, როდესაც აპლიკანტის დიპლომში მითითებულია, რომ სწავლება მიმდინარეობდა ინგლისურ/რუსულ ენაზე). თუ აპლიკანტი ვერ აკმაყოფილებს აღნიშნული ორი მოთხოვნიდან ერთ-ერთს, უნივერსიტეტი ჩაუტარებს შესაბამის გამოცდას.

თუ აპლიკანტი არასრულწლოვანია, დამატებით საჭიროა:

• დაბადების მოწმობის ასლი;
• ერთ-ერთი მშობლის პასპორტის ასლი.

დამატებითი მოთხოვნები კონკრეტული პროგრამების მიხედვით:

• ინგლისურენოვანი დიზაინისა და არქიტექტურის საბაკალავრო და სამაგისტრო პროგრამების შემთხვევაში აუცილებელია პორტფოლიოსა და სამოტივაციო წერილის ატვირთვა.
• რუსულენოვანი არქიტექტურის საბაკალავრო პროგრამის შემთხვევაში აუცილებელია გასაუბრების გავლა და პორტფოლიოს წარმოდგენა.
• კომპიუტერული მოდელირების ტექნოლოგიები ბირთვული კვლევითი ექსპერიმენტებისთვის სამაგისტრო პროგრამა – აუცილებელია ბაკალავრის ხარისხი STEM მიმართულებით (მეცნიერება, ტექნოლოგია, ინჟინერია, მათემატიკა).
• ნავთობისა და გაზის ტექნოლოგიების სამაგისტრო პროგრამა – აუცილებელია ბაკალავრის ხარისხი ერთ-ერთ შემდეგ სფეროში: ინჟინერია, მრეწველობა და მშენებლობა, საბუნებისმეტყველო მეცნიერებები (გეოლოგია, გეოფიზიკა, ქიმია), მათემატიკა ან სტატისტიკა.

საქართველოს მოქალაქეებისთვის: გთხოვთ, გაეცნოთ ინფორმაციას შემდეგ ბმულზე.

სწავლის საფასური

სტუ-ს აკადემიური საბჭოს სექტემბრის #01-05-04/253 დადგენილებაში ცვლილების შეტანის შესახებ.

2018 წლის 20 „სტუ-ს სტუდენტებისთვის სწავლის საფასურის დადგენის შესახებ“

საქართველოს ზოგადი ადმინისტრაციული კოდექსის 63-ე მუხლის, „უმაღლესი განათლების შესახებ“ საქართველოს კანონის 21-ე მუხლის „რ“ პუნქტის შესაბამისად, საქართველოს განათლებისა და მეცნიერების მინისტრის 2013 წლის 9 სექტემბრის №133/ნ ბრძანებით დამტკიცებული უნივერსიტეტის წესდების მე-8 მუხლის „ზ“ პუნქტით, „საჯარო სამართლის იურიდიული პირის – საქართველოს ტექნიკური უნივერსიტეტის წესდების დამტკიცების შესახებ“ და აკადემიური საბჭოს 2021 წლის 8 ნოემბრის №01-05-04/31 ოქმის საფუძველზე, საქართველოს ტექნიკური უნივერსიტეტის აკადემიურმა საბჭომ დაადგინა:

1. სტუ-ს აკადემიური საბჭოს 2018 წლის 20 სექტემბრის #01-05-04/253 დადგენილებაში „სტუ-ს სტუდენტებისთვის სწავლის საფასურის განსაზღვრის შესახებ“ ცვლილება შეიტანოს და დადგენილების პირველი, მეორე, მესამე და მეოთხე პუნქტები ჩამოაყალიბოს შემდეგნაირად:

1. საქართველოს განათლებისა და მეცნიერების მინისტრის ინდივიდუალური ადმინისტრაციულ-სამართლებრივი აქტის საფუძველზე საბაკალავრო და სამაგისტრო პროგრამებზე ჩარიცხულ პირთა სწავლის ერთი წლის (60 კრედიტი) სწავლის საფასური ერთიანი ეროვნული გამოცდების/ზოგადი სამაგისტრო გამოცდების შესაბამისად, აგრეთვე „უმაღლესი განათლების შესახებ“ საქართველოს კანონი (გარდა ამ რეზოლუციის 2 პუნქტით დადგენილი პირისა). 2250 (ორი ათას ორას ორმოცდაათი) ლარი.

2. „უმაღლესი განათლების შესახებ“ საქართველოს კანონის 52-ე მუხლის მე-3 პუნქტით და 52¹-ე მუხლის მე-7 პუნქტით, აგრეთვე საქართველოს განათლებისა და მეცნიერების მინისტრის 2011 წლის, 29 დეკემბრის #224 ბრძანებით უნივერსიტეტის საბაკალავრო და ასპირანტურის საგანმანათლებლო პროგრამებზე ჩარიცხულ პირთა სწავლის საფასური „ერთიანი ეროვნული გამოცდების/ზოგადი სამაგისტრო გამოცდების გარეშე უმაღლეს სასწავლებელში სწავლის უფლების მქონე აბიტურიენტების/მაგისტრატურ კანდიდატების/სტუდენტთა მიერ საბუთების წარდგენისა და განხილვის წესის დამტკიცების შესახებ“ განისაზღვრება შემდეგნაირად:

3. სადოქტორო პროგრამებზე სწავლის საფასური განისაზღვროს შემდეგი ოდენობით:

1. საქართველოს მოქალაქეებისთვის, უცხო ქვეყნის მოქალაქეებისთვის ან სახელმწიფოებრიობის არმქონე პირისათვის:
   1. ქართული ენის პროგრამაზე - 5000 ლარი;
   2. რუსული ენის პროგრამაზე - 8000 ლარი;
   3. ინგლისური ენის პროგრამისთვის - 12500 ლარი;

4. სტუდენტების მიერ გადახდილი წლიური გადასახადის 15% შესაძლოე გადაეცეს აბიტურიენტების მოსაზიდად დაქირავებულ აგენტს/სააგენტოს.

2. დადგენილება მოქმედებს 2021/2022 სასწავლო წლის მეორე სემესტრიდან ჩარიცხული, აღდგენილი ან გადაყვანილი სტუდენტებისთვის.
3. დადგენილება დასამტკიცებლად წარედგინება სტუ-ს წარმომადგენლობით საბჭოს (სენატს).
4. დადგენილება გამოქვეყნდება უნივერსიტეტის ვებგვერდზე და დაინტერესებულ პირებს ინფორმაციას მიაწვდის საქმის წარმოების დეპარტამენტი.
5. დადგენილება შეიძლება გასაჩივრდეს გამოქვეყნებიდან 1 თვის ვადაში თბილისის საქალაქო სასამართლოს ადმინისტრაციულ საქმეთა კოლეგიაში; მისამართი: ქ. თბილისი, დავით აღმაშენებლის ხეივანი, მე-12 კმ, №64.

კონტაქტი

საერთაშორისო დასაქმების გუნდი – Admissionoffice@gtu.ge