Erasmus+ გაცვლითი პროგრამა იასის გეორგე ასაკის ტექნიკურ უნივერსიტეტში - 2024-2025 აკადემიური წლის II სემესტრი (თანამშრომლებისთვის)
იასის გეორგე ასაკის ტექნიკური უნივერსიტეტი (Gheorghe Asachi Technical University of Iaşi - TUIASI) (იასი, რუმინეთი) ERASMUS+ გაცვლითი პროგრამის ფარგლებში აცხადებს კონკურსს 2024-2025 აკადემიური წლის საგაზაფხულო სემესტრისათვის.
იასის გეორგე ასაკის ტექნიკურ უნივერსიტეტში Erasmus+ საერთაშორისო მობილობისთვის პროექტის კოორდინატორის მიერ განსაზღვრულია 2 ადმინისტრაციული თანამშრომლის მობილობა სტუ-ს საერთაშორისო ურთიერთობების დეპარტამენტიდან, რომელთა საქმიანობა უშუალოდ უკავშირდება უნივერსიტეტში Erasmus+ მობილობის პროექტების მომზადება-განხორციელებასთან დაკავშირებულ აქტივობებსა და შესაბამის რეპორტინგს. პროექტის კოორდინატორის რეკომენდაციით, იასის გეორგე ასაკის ტექნიკურ უნივერსიტეტში მობილობა უნდა განხორციელდეს მიმდინარე საგაზაფხულო სემესტრის 26-30 მაისს ან 23-27 ივნისს. სტუ-ს საერთაშორისო ურთიერთობების დეპარტამენტის წარმომადგენლებისთვის შერჩევის პროცესს სრულად ახორციელებს კოორდინატორი უნივერსიტეტი.
მიზნობრივი ჯგუფი: საერთაშორისო ურთიერთობათა დეპარტამენტი.
09/04/2025