Erasmus+ გაცვლითი პროგრამა პალერმოს უნივერსიტეტში - 2024-2025 აკადემიური წლის II სემესტრი (სტუდენტებისთვის)

პალერმოს უნივერსიტეტი (Universita' degli Studi di Palermo – UniPa) (პალერმო, იტალია) ERASMUS+ გაცვლითი პროგრამის ფარგლებში აცხადებს კონკურსს 2024-2025 აკადემიური წლის საგაზაფხულო სემესტრისთვის.

შერჩევის პროცედურა:

ბაკალავრიატის, მაგისტრატურისა და დოქტორანტურის სტუდენტებისთვის

საბუთების მიღების ბოლო ვადა: 20.02.2025.
ტესტირება უცხოურ ენაში ჩატარდება 2025 წლის 25 თებერვლამდე.
გასაუბრება საკონკურსო კომისიასთან ჩატარდება 2024 წლის 27 თებერვლამდე.
 
დამატებითი ინფორმაცია პალერმოს უნივერსიტეტში Erasmus+ მობილობასთან დაკავშირებით  იხილეთ აქ.

უნივერსიტეტებს შორის გაფორმებული ინტერინსტიტუცური ხელშეკრულებით განსაზღვრულია საქართველოს ტექნიკური უნივერსიტეტიდან პალერმოს უნივერსიტეტში ბაკალავრიატის, მაგისტრატურის ან დოქტორანტურის საფეხურის 3 სტუდენტის მობილობა  სტაჟირების მიზნით, 3-3 თვით.

სტაჟირების მსურველმა სტუდენტებმა წინასწარ უნდა მოიძიონ ხელმძღვანელი პალერმოს უნივერსიტეტში და წარმოადგინონ წინასწარი თანხმობის წერილი მიმღები უნივერსიტეტიდან.

დაინტერესებულმა აპლიკანტებმა საქართველოში იტალიის საელჩოში უნდა აიღონ იტალიური ფისკალური კოდის დოკუმენტი.

მიმართულება: სოფლის მეურნეობა, აგროკულტურა და მასთან დაკავშირებული ინტერდისციპლინარული მიმართულებები ინფო-საკომუნიკაციო ტექნოლოგიების, მენეჯმენტის კუთხით.