09 ივლ

ონლაინ შეხვედრა პარტნიორ უნივერსიტეტთან

მზადდება ზაარბრუკენის ტექნიკისა და ეკონომიკის უნივერსიტეტისა და საქართველოს ტექნიკური უნივერსიტეტის, ბიზნესტექნოლოგიების ფაკულტეტის ერთობლივი ინგლისურენოვანი სამაგისტრო საგანმანათლებლო პროგრამა „საერთაშორისო მენეჯმენტი“
08 ივლ

სტუდენტებისთვის სახელობის სტიპენდიების მოსაპოვებლად კონკურსი ცხადდება

აფხაზეთის ავტონომიური რესპუბლიკის  განათლებისა და კულტურის სამინისტრო ბაკალავრიატისა და მაგისტრატურის საფეხურის წარჩინებული სტუდენტებისათვის  დიმიტრი (არზაყან) ემუხვარის, ჟიული შარტავასა და აკადემიკოს ილია ვეკუას სახელობის სტიპენდიების მოსაპოვებლად კონკურსს აცხადებს
08 ივლ

"ახალგაზრდული მოხალისეობა COVID 19-ის საპასუხოდ საქართველოში"

არასამთავრობო ორგანიზაცია ,,ჰელფინგ ჰენდი’’, გაეროს ბავშვთა ფონდის UNICEF Georgia მხარდაჭერით ახალგაზრდებისთვის COVID19-ის გამოწვევების საპასუხოდ მასშტაბურ მოხალისეობრივ პროექტს იწყებს.  აღნიშნულ პროექტში მონაწილეები 10 ივლისამდე უნდა დარეგისტრირდნენ. პროექტის პარტნიორია ახალგაზრდობის სააგენტო • Youth Agency
06 ივლ

„ასოცირების 6 წელი საქართველოსთვის“ ფარგლებში კონკურსების გამარჯვებულები დაჯილდოვდნენ

კამპანიის „ასოცირების 6 წელი საქართველოსთვის“ ფარგლებში კონკურსების გამარჯვებულები დაჯილდოვდნენ. გამარჯვებულთა შორის არიან ბიზნესტექნოლოგიების ფაკულტეტის დოქტორანტები
02 ივლ

სტუდენტთა საყურადღებოდ !

ინფორმაცია დამატებითი შუალედური გამოცდების ჩატარების შესახებ
30 ივნ

სტუდენტთა საყურადღებოდ !

ინფორმაცია ლაბორატორიული მეცადინეობის ჩატარების, სასწავლო კურსების აღდგენისა და გამოცდების შესახებ
ყველა სიახლის ნახვა

აუდიო-ვიდეო ლაბორატორი

აუდიო-ვიდეო ლაბორატორია
 
აუდიო-ვიდეო ლაბორატორიის ძირითადი დანიშნულებაა აუდიო-ვიზუალური და მედია ხელოვნების მიმართულებით სასწავლო პროცესის სათანადო დონეზე წარმართვის უზრუნველყოფა.
 
ლაბორატორიას გააჩნია  თანამედროვე ტექნიკური საშუალებები: ციფრული ვიდეოკამერები, კომპიუტერული სამონტაჟო სამუშაო ადგილი, აუდიო-ვიდეო ჩამწერი და საჩვენებელი ტექნიკა (აუდიომიქშერი, პლეერები, ტელევიზორები, მულტიმედია პროექტორი, მინიდივი) და სხვადასხვა აქსესუარები (შტატივი, საყურისი, მიკროფონები და ა.შ.), რათა მაღალ დონეზე ჩატარდეს ლაბორატორიული და პრაქტიკული მეცადინეობები.
 
 
    
 
 
სასწავლო პროცესის ფარგლებში სტუდენტებს ლაბორანტის დახმარებით შეუძლიათ ლაბორატორიაში არსებული კომპიუტერული სამონტაჟო აპარატურის გამოყენება მათ მიერ გადაღებული (ჩაწერილი) ვიდეო-აუდიო და ფოტო მასალის დასამუშავებლად.
 
ლაბორატორიაში ხორციელდება სტუდენტების ხმების ჩაწერა კომპიუტერში და შემდგომ ჩანაწერების მოსმენა და განხილვა, რაც მათ მეტყველების კულტურის გამომუშავებაში ეხმარება.
 
საეთერო იმიჯის საგნის სწავლების ფარგლებში ხდება სტუდენტთა მიერ საინფორმაციო წამყვანის იმიტაციის ვიდეო გადაღება და შემდგომ მისი ჩვენება. ეს ხელს უწყობს სტუდენტებს ნაკლოვანებების გამოსწორებაში და პრაქტიკული ჩვევების გამომუშავებაში.
 
    
 
ლაბორატორიაში სტუდენტებს შეუძლიათ მიიღონ დახმარება ლექციებზე მიღებული დავალებების შესრულებაში (აუდიო-ვიდეო-ფოტო მასალის კომპიუტერში შეტანა, გახმოვანება, მონტაჟი, სლაიდშოუ და სხვ.).
 
სასწავლო პროცესიდან გამომდინარე მიღებული დავალების შესასრულებლად სტუდენტებზე გარკვეული ვადით გაიცემა ლაბორატორიაში არსებული აპარატურა და ტექნიკა, რათა მათ  მიეცეთ  უნივერსიტეტის ფარგლებს გარეთ ნატურაზე გადაღების შესაძლებლობა.