02-12-2011
კონკურსი 2012 -2013 აკადემიური წლისათვის ერთწლიანი სტიპენდიების მოსაპოვებლად ესექსის უნივერსიტეტის მაგისტრატურაში (ინგლისი)
ღია საზოგადოების ინსტიტუტი და ესექსის უნივერსიტეტის ადამიანის უფლებების დაცვის ცენტრი აცხადებენ კონკურსს 2012 -2013 აკადემიური წლისათვის ერთწლიანი სტიპენდიების მოსაპოვებლად ესექსის უნივერსიტეტის მაგისტრატურაში, შემდეგ დარგებში სასწავლებლად:
- ადამიანის უფლებები ( პრაქტიკა და თეორია ) MA
- ადამიანის უფლებები და კულტურული განსხვავება MA
- საერთაშორისო სამართალი ადამიანის უფლებებსა და ჰუმანიტარიზმში LLM
- საერთაშორისო სამართალი ადამიანის უფლებებში LLM
ძირითადი მოთხოვნები:
- პროგრამაში მონაწილეობის მსურველები უნდა იყვნენ საქართველოში მცხოვრები საქართველოს მოქალაქეები;
- უნდა იყვნენ დამამთავრებელ კურსზე ან უნდა ჰქონდეთ მინიმუმ ბაკალავრის ხარისხი შესაბამის დარგში;
- უნდა ფლობდნენ ინგლისურ ენას (კონკურსის ფარგლებში საჭირო იქნება ინგლისური ენის ტესტის IELTS ჩაბარება. საბოლოო გამსვლელი ქულაა 7,0; თითოეულ სექციაში არა ნაკლებ 6,5 ქულისა );
- პრაქტიკული გამოცდილება შესაბამის სფეროში მიღებულ იქნება მხედველობაში;
- არ უნდა იყვნენ საქართველოში საერთაშორისო განათლების ცენტრისა და ღია საზოგადოების ინსტიტუტის თანამშრომლები, რომლებიც უშუალო კავშირში არიან საგრანტო სასწავლო პროგრამებთან, ასევე მათი ნათესავები;
- სწავლის დამთავრების შემდეგ დაბრუნდნენ საქართველოში;
განაცხადის შემოტანის ბოლო ვადაა 2012 წლის 16 იანვარი.
დეტალური ინფორმაციისათვის მიმართეთ საქართველოს ტექნიკური უნივერსიტეტის საერთაშორისო ურთიერთობებისა და სტანდარტების სამსახურს.
სიახლეებში დაბრუნება
