სტიპენდია

17-09-2010

ილია აბულაძის სახელობის სტიპენდია

ხელნაწერთა ეროვნული ცენტრი აწესებს დიდი ქართველი მეცნიერის ილია აბულაძის სახელობის სტიპენდიას მაღალი აკადემიური მოსწრების ჰუმანიტარული მიმართულების ბაკალავრიატის სტუდენტებისათვის.

სტიპენდია კონკურსის წესით გაიცემა 1 სტუდენტზე თვეში ერთხელ 1 სემესტრის განმავლობაში. სტიპენდიის ოდენობა შეადგენს თვეში 100 (ასი) ლარს.

სტიპენდიის მიღების მსურველებმა 2010 წლის 15 სექტემბრიდან 11 ოქტომბრის ჩათვლით (ყოველ დღე, შაბათ-კვირის გარდა) 18 საათამდე ხელნაწერთა ეროვნულ ცენტრში უნდა წარმოადგინონ:

1. განცხადება ცენტრის დირექტორის სახელზე (ფორმა მიეწოდება კონკურსანტს ადგილზე);

2. პირადობის დამადასტურებელი მოწმობის ასლი;

3. კალენდარული ავტობიოგრაფია (CV);

4. აკადემიური მოსწრების ამსახველი დოკუმენტი, დამოწმებული დეკანატის მიერ;

5. ორი პედაგოგის (ერთი სასურველია – სამეცნიერო ხელმძღვანელის) რეკომენდაცია, მათი საკონტაქტო ინფორმაციის მითითებით (სახელი, გვარი, ტელეფონის ნომერი, ელექტრონული ფოსტის მისამართი);

6. სამეცნიერო პუბლიკაციების ჩამონათვალი (არსებობის შემთხვევაში);

7. სამეცნიერო კონფერენციებში და პროექტებში მონაწილეობის ჩამონათვალი;

8. ერთ-ერთი მოხსენება/სტატია/ნაშრომი, რომელიც განმცხადებლის აზრით უკეთესად წარმოაჩენს მის სამეცნიერო პოტენციალს/კვლევის უნარს;

9. ესსე ილია აბულაძის შესახებ (არაუმეტეს 2 ნაბეჭდი გვერდისა).

გამოფენისა და განათლების დეპარტამენტი
საკონტაქტო პირები:
ნესტან ბაგაური
ტელ.: 893 25 12 34
E-mail: nestan.bagauri@manuscript.ac.ge
შორენა მურუსიძე
ტელ.: 893 90 13 48
E-mail: sh.murusidze@manuscript.ac.ge

სიახლეებში დაბრუნება

ნავიგაცია

ინტრანეტი

სტიპენდია