15 ივნისს სტუ-ში გაიხსნა საერთაშორისო სამეცნიერო-ტექნიკური კონფერენცია თემაზე: ’’სამშენებლო მექანიკის აქტუალური პრობლემები’’, რომელიც ეძღვნება საქართველოს ტექნიკური უნივერსიტეტის სამშენებლო მექანიკის და სეისმომედეგობის კათედრის 50 წლის იუბილეს. კონფერენცია 17 ივნისს დასრულდება.
კონფერენციაზე სექციები იმუშავებს შემდეგი:
შენობა-ნაგებობათა სეისმომედეგობისა და კონსტრუქციათა არაწრფივი მუშაობის თეორიისა და კომპიუტერული რეალიზაციის პრობლემები
შენობა-ნაგებობათა კომპიუტერული მოდელირებისა და პროექტირების საკითხები, თანამედროვე კომპიუტერული და სპეციალური პროგრამული საშუალებებით
გამოყენებითი დრეკადობის თეორიის ამოცანები
უწყვეტ ტანთა მექანიკის არაწრფივი ამოცანები
წყვეტილმახასიათებლიანი გარსებისა და ფირფიტების თეორია