13 ოქტომბერს სტუ-ს გ. ნიკოლაძის სახელობის მცირე სააქტო დარბაზში შესდგა ამერიკელი არქიტექტორის, არქიტექტორთა საერთაშორისო აკადემიის აკადემიკოსის, შეერთებული შტატების ტალეისინის არქიტექტურული ცენტრის დირექტორთა საბჭოს წევრის ბრიან სპენსერის ლექცია.

ბატონ ბ. სპენსერის ლექციებმა, რომელიც მიეძღვნა საყოველთაოდ ცნობილი  არქიტექტორის ფრენკ ლოიდ რაიტის შემოქმედებას, აგრეთვე თანამედროვე ინდიურ არქიტექტურას, დამსწრე საზოგადოების დიდი ინტერესი გამოიწვია, რაზეც ნათლად მეტყველებდა სტუდენტებით და მათი მასწავლებლებით, აგრეთვე მოწვეული საზოგადოებით გადაჭედილი დარბაზი.