20 აგვისტოს მანგლისისა და წალკის მიტროპოლიტ ანანიას (ჯაფარიძეს) დაბადებიდან 60 წელი შეუსრულდა. აღნიშნულთან დაკავშირებით მანგლისში იმყოფებოდნენ სტუ რექტორი არჩილ ფრანგიშვილი და უნივერსიტეტის ადმინისტრაციის წარმომადგენლები. რექტორმა, მეუფე ანანიას, საზეიმო ვითარებაში, გადასცა წმ. თამარ მეფის ხატი და აკადემიური საბჭოს გადაწყვეტილების საფუძველზე დააჯილდოვა საქართველოს ტექნიკური უნივერსიტეტის უმაღლესი ჯილდოთი - გიორგი ნიკოლაძის სახელობის მედლით.