საქართველოს ტექნიკური უნივერსიტეტში, ბიზნესტექნოლოგიების ფაკულტეტზე, 2023 წლის 18 მარტს, 12:00 საათზე,  „ახალგაზრდა მეწარმეთა ცენტრის“  საგაზაფხულო სესია გაიხსნება.

საგაზაფხულო სესიაზე მონაწილეობის მისაღებად რეგისტრაცია გაიარეს საქართველოს ზოგადსაგანმანათლებლო სკოლების მოსწავლეებმა.

„ახალგაზრდა მეწარმეთა ცენტრის“  ორთვიანი საგაზაფხულო სესიის გახსნის ღონისძიება სტუ-ის მე-6 სასწავლო კორპუსში (მერაბ კოსტავას 77), ბიზნესტექნოლოგიების ფაკულტეტზე, მე-7 სართულზე, # 710ა აუდიტორიაში გაიმართება.

პირველ, გაცნობითი ხასიათის შეხვედრაზე მოსწავლეები საქართველოს ტექნიკური უნივერსიტეტის ადმინისტრაციულ  კორპუსს, ბიზნესტექნოლოგიების ფაკულტეტის სასწავლო აუდიტორიებსა და ლაბორატორიებს დაათვალიერებენ.

შემდეგი ორი თვის განმავლობაში სტუ-ის ბიზნესტექნოლოგიების ფაკულტეტის პროფესორები, ახალგაზრდა მკვლევრები და დოქტორანტები საჯარო სკოლების მოსწავლეებს ლექციებს ჩაუტარებენ. მოზარდებს შესაძლებლობა ექნებათ, მიიღონ საბაზისო ცოდნა, თუ რა არის: 

·       მეწარმეობა;

·       მენეჯმენტი;

·       მარკეტინგი;

·       კრიტიკული აზროვნება;

·       ემოციური ინტელექტი;

·       გუნდურობა;

·       ლიდერობა;

·       კომუნიკაბელურობა;

·       კრეატიულობა;

·       დროის მენეჯმენტი;

·       ფინანსური აზროვნება;

·       ეტიკეტი.

საქართველოს ტექნიკური უნივერსიტეტის ბიზნესტექნოლოგიების ფაკულტეტის მიერ ორგანიზებულ „ახალგაზრდა მეწარმეთა ცენტრის“ საგაზაფხულო სესიას საჯარო სკოლის ნებისმიერი დაინტერესებული მოსწავლე შეუძლია შეუერთდეს. 

სიახლეებში დაბრუნება