მიმდინარეობს ვებ-გვერდის განახლება

სტუ-ის საკალათბურთო ნაკრებმა საქართველოს სტუდენტური „ა“ ლიგის ფლეი-ოფის პირველივე შეხვედრა მოგებით დაასრულა

სტუ-ის საკალათბურთო ნაკრებმა საქართველოს სტუდენტური „ა“ ლიგის ფლეი-ოფის პირველივე შეხვედრა მოგებით დაასრულა

27-06-2022

საქართველოს ტექნიკური უნივერსიტეტის საკალათბურთო ნაკრებმა, საქართველოს სტუდენტური „ა“ ლიგის ფლეი-ოფის პირველივე შეხვედრა დამაჯერებელი ანგარიშით მოიგო.

სტუ-ის საკალათბურთო ნაკრები სტუდენტური „ა“ ლიგის ფლეი-ოფში თბილისის სახელმწიფო სამედიცინო უნივერსიტეტის (თსსუ) ნაკრებს შეხვდა და მატჩი დიდი ანგარიშით - 100 : 47 მოიგო.

ერთი დღით ადრე, სტუ-ის საკალათბურთო ნაკრებმა ჯგუფური ეტაპის მესამე მატჩი გურამ თავართქილაძის სახელობის თბილისის სასწავლო უნივერსიტეტთან (გთსუ) გამართა და დაასრულა კიდეც მოგებით - 79 : 41. ამრიგად, სტუ-მ სტუდენტური „ა“ ლიგის ჯგუფური ეტაპის სამივე შეხვედრა მოიგო და მომდევნო - ფლეი-ოფის ეტაპზე წარმატებით გადაინაცვლა.

ამ დროისთვის საქართველოს ტექნიკური უნივერსიტეტის საკალათბურთო ნაკრების ანგარიშზე ოთხი მოგებული თამაშია.

შეგახსენებთ საქართველოს სტუდენტური „ა“ ლიგის ჯგუფური ეტაპის შეხვედრებსა და შედეგებს:

სტუ - თსსუ - 100 : 55

სტუ - სეუ - 75 : 61

სტუ - გთსუ - 79 : 41

საქართველოს სტუდენტური „ა“ ლიგის თამაშები კალათბურთში ახალი სპორტის სასახლეში მიმდინარეობს. შეჯიბრება საუნივერსიტეტო სპორტის ფედერაციისა და საქართველოს კალათბურთის ფედერაციის ორგანიზებით იმართება.

 


სიახლეებში დაბრუნება

0322 77 11 11