სტუ-ის ბიზნესტექნოლოგიების ფაკულტეტის სტუდენტი, ძიუდოისტი ლუკა მაისურაძე ევროპის 2022 წლის ჩემპიონატის გამარჯვებულია.

სტუ-ის ადმინისტრაცია, პროფესორ-მასწავლებლები და სტუდენტები ლუკა მაისურაძეს ულოცავენ ამ დიდ წარმატებას - ევროპის ჩემპიონობას და მისგან მომავალშიც არაერთ ღირსეულ გამარჯვებას ელიან.

„ვუ­ლო­ცავთ ჩვენს სტუ­დენტს, ლუკა მაისურაძეს ევროპის ჩემპიონობას. სა­ქარ­თვე­ლოს
ტექ­ნი­კუ­რი უნი­ვერ­სი­ტე­ტის სა­ხე­ლით, ვუსურვებ მორიგ არაერთ გამარჯვებას, წინსვლას, როგორც სპორტულ, ასვე პროფესიულ საქმიანობაში.

ლუკასთვის ეს არ არის პირველი გამარჯვება და საერთაშორისო აღიარება, დარ­წმუ­ნე­ბუ­ლი ვარ, რომ ის თა­ვის სპორ­ტულ კა­რი­ე­რას კი­დევ  არა­ერ­თ ჯილ­დო­ს შემატებს და ასევე, არჩეულ პროფესიაში დიდ წარმატებებს მიაღწევს.

აღსანიშნავია, რომ უნივერსიტეტის ადმინისტრაცია ყველა ღონეს ხმარობს, რათა ავა­ღორ­ძი­ნოთ ჩვე­ნი უნი­ვერ­სი­ტე­ტის სპორ­ტუ­ლი ტრა­დი­ცი­ე­ბი, ვიზ­რუ­ნოთ სტუ­დენ­ტთა ჩარ­თუ­ლო­ბა­ზე სპორ­ტულ აქ­ტი­ვო­ბებ­ში. მაქ­სი­მა­ლუ­რად ვუწყობთ ხელს  წარ­მა­ტე­ბულ ახალ­გაზ­რდა სპორ­ტსმე­ნებს, ჩვენს სტუდენტებს.

ხელ­შე­წყო­ბა პირ­ველ რიგ­ში ით­ვა­ლის­წი­ნებს მოქ­ნი­ლ სას­წავ­ლო გრა­ფი­კს და ინდივიდუალურ შე­ღა­ვა­თებს მა­ღა­ლი აკა­დე­მი­უ­რი მოს­წრე­ბის მქო­ნე სპორ­ტსმე­ნე­ბის­თვის. კიდევ ერთხელ ვულოცავ ლუკას დიდ წარმატებას“, - აღნიშნავს სტუ-ის  რექ­ტორ­ი და­ვით გურ­გე­ნი­ძე.

ინფორმაციისთვის, სოფიაში ჩატარებულ ევროპირველობაზე 90 კილოგრამ წონით კატეგორიაში 24 წლის მოჭიდავე ლუკა მაისურაძემ ხუთი შეხვედრა ჩაატარა და ხუთივე მოიგო.

სიახლეებში დაბრუნება