ძვირფასო სტუდენტებო, გიზიარებთ ინფორმაციას სტუდენტური ვაკანსიის შესახებ, რომელსასც კომპანია m² საქართველოს ტექნიკური უნივერსიტეტის სამშენებლო ფაკულტეტის სტუდენტებისთვის აცხადებს.

თუ თქვენ მუდმივად ეძებთ სრულყოფის შესაძლებლობას, იჩენთ ინიციატივას და ცვლილებები საინტერესო გამოწვევაა თქვენთვის, გეძლევათ საუკეთესო შესაძლებლობა, გახდეთ m²-ის გუნდის წევრი.

კომპანია m² უკვე 15 წელია საქართველოში ქმნის კომფორტული ცხოვრების ახალ, თანამედროვე სტანდარტს. კომპანიას მნიშვნელოვანი ადგილი უჭირავს ქვეყნის უძრავი ქონების ბაზარზე, რაც განპირობებულია მისი გუნდის მაღალი პროფესიონალიზმითა და ინოვაციური მიდგომებით.

ბმულზე გადასვლით შეიტყობთ მეტს კომპანია m² -ის შესახებ.

გთავაზობთ ინფორმაციას სამშენებლო ობიექტის ტექნიკური ზედამხედველობის მენეჯერის პოზიციაზე კომპანია m²-ის მიერ გამოცხადებული ვაკანსიის შესახებ.

ძირითადი მოვალეობები:

• მშენებლობაზე დაგეგმილი და შესრულებული სამუშაოს ხარისხისა და მოცულობის შეფასება;
• ყოველკვირეული ანგარიშგების მომზადება მშენებლობის პროგრესის შესახებ, შესრულების ვადების შედარება მშენებლობის დადგენილ გრაფიკთან;
• ობიექტზე ინსპექტირების ორგანიზება და მართვა, შესაბამისი ანგარიშგებების მომზადება;
• მშენებლობის/რემონტის კლიენტის მოთხოვნებთან შესაბამისობის კონტროლი და უზრუნველყოფა;

სავალდებულო საკვალიფიკაციო მოთხოვნები:

• უმაღლესი განათლება (სამშენებლო ინჟინერია, არიქტექტურა);
• Cad (AutoCAD; ArchiCAD) პროგრამებთან მუშაობის გამოცდილება.
• სამშენებლო ობიექტის ზედამხედველობის გამოცდილება;
• სამშენებლო/დეველოპერულ კომპანიაში მუშაობის მინიმუმ 2 წლიანი გამოცდილება;
• ინგლისური ენის ცოდნა ჩაითვლება უპირატესად.

აუცილებელი ცოდნა და უნარები:

·         საოფისე პროგრამების ცოდნა: MS Office;

·         სამშენებლო–ტექნიკური ნორმები, წესები და სტანდარტების ცოდნა;

·         პროექტებისა და ხარისხის მართვის გამოცდილება;

·         აზრის გასაგებად და არგუმენტირებულად გამოხატვის უნარი;

·         პასუხისმგებლობა და ორგანიზებულობა;

·         სტრესულ გარემოში მუშაობის შესაძლებლობა

თუ თვლით, რომ აკმაყოფილებთ ვაკანსიის მოთხოვნებს, გთხოვთ, 26 ოქტომბრამდე გამოაგზავნოთ CV ელექტრონულ მისამართზე: mgelashvili@gre.ge

წერილის სათაურში მიუთითეთ ვაკანსიის დასახელება: „ტექნიკური ზედამხედველობის მენეჯერი“.

საქართველოს ტექნიკური უნივერსიტეტი წარმატებებს გისურვებთ!

სიახლეებში დაბრუნება