16-09-2021

ძვირფასო სტუდენტებო,

გაცნობებთ, რომ  საქართველოს პარლამენტის აგრარულ საკითხთა კომიტეტი, ნიდერლანდების საელჩოსთან, არასამთავრობო ორგანიზაცია CENN-თან და ასოციაცია „ტყის პროდუქტთან“ ერთად, სოფლად მეწარმეობის განვითარების პროექტის ფარგლებში აცხადებს კონკურსს - საბაკალავრო და სამაგისტრო საფეხურის სტუდენტებისთვის.

პროექტის ფარგლებში თქვენ შესაძლებლობა გექნებათ:

• ექსპერტებისა და მენტორების დახმარებით გაეცნოთ ტყის არამერექნული რესურსების პოტენციალს საქართველოში.
• მოიძიოთ ბენეფიციარები და მათთან ერთად შეიმუშაოთ ბიზნეს გეგმის კონცეფციები მათთვის ყველაზე საინტერესო იდეებისათვის, რომელიც მორგებული იქნება მიმდინარე სტარტ-აპ პროგრამებზე და გრანტებზე.
• კაჭრეთში, სასტუმრო „კაჭრეთის ამბასადორში“ დაესწროთ ტრენინგს მწვანე ეკონომიკის შესახებ.
• შეისწავლოთ ტყის არამერქნული პროდუქტების მდგრადი შეგროვების, წარმოებისა და მარკეტინგის საკითხები.
• მაღალი დონის შეხვედრაზე წარადგინოთ საკუთარი კონცეფციები და მოიპოვოთ საუკეთესოს სტატუსი.
• ითანამშრომლოთ სახელმწიფო და საერთაშორისო განვითარების პროგრამების განმახორციელებელი ორგანიზაციების წარმომადგენლებთან.
• მიიღოთ გამოცდილება პროფესიული განვითარებისთვის.
• უნივერსიტეტებთან განიხილოთ შესაძლებლობები კონკურსის ფარგლებში განხორციელებული სამუშაოს დასაკავშირებლად, საბაკალავრო/სამაგისტრო ნაშრომების მომზადებისა და სტაჟირების პროცესთან.

კონკურსში მონაწილეობის მისაღებად, უნდა შეასვსოთ აპლიკაცია მითითებულ ბმულზე : https://docs.google.com/forms/d/1pmjHxh2yLdKa2qC3KCofEV360AGTlQUTF7qdflm20s/viewform?ts=614063bd&edit_requested=true  და გაგზავნოთ არა უგვიანეს 2021 წლის 10 ოქტომბრისა.

საუკეთესო 10 აპლიკაციის ავტორი მონაწილეობას მიიღებს მწვანე ეკონომიკის სკოლის ტრენინგებისა და ვორკშოპების ციკლში, რომელიც გაიმართება კახეთში, სასტუმრო „კაჭრეთის ამბასადორში“.

გადამზადებული სტუდენტები, პარტნიორებთან და ბენეფიციარებთან კონსულტაციების შედეგად, შეიმუშავებენ და 2021 წლის 1 დეკემბრამდე საკონკურსოდ წარადგენენ ტყის არამერქნული პროდუქტებით კომერციული სარგებლობის კოცეფციებს ბიზნეს-გეგმებისათვის.

3 საუკეთესო კონცეფციის ავტორი კი, დაჯილდოვდება მწვანე ეკონომიკის სკოლის პრემიებითა და პრიზებით.

სიახლეებში დაბრუნება