ძვირფასო სტუდენტებო, 2021-2022 სასწავლო წლის შემოდგომის სემესტრის მობილობა 2021 წლის 16 აგვისტოდან 30 აგვისტოს 18:00 საათამდე გაგრძელდება. შესაბამისად, გახსნილია სტუდენტთა მობილობის ელექტრონული პორტალი https://students.emis.ge/

მობილობის მსურველებს, ვთხოვთ, გაითვალისწინონ შემდეგი:

1. აუცილებელია მობილობის პორტალზე დარეგისტრირება. პორტალზე მითითებულია მობილობის ვადებიც და სხვადასხვა უნივერსიტეტის საბაკალავრო თუ სამაგისტრო პროგრამებზე არსებული ვაკანტური ადგილები, ასევე, მითითებულია ყველა საჭირო ინსტრუქცია "მობილობის ბუკლეტის" სახით https://students.emis.ge/superphoto.jpg საიდანაც მიიღებთ ინფორმაციას იმის თაობაზე, თუ როგორ უნდა იმოქმედოს სტუდენტმა მობილობის პროცესში.
2. რეგისტრაციის შემდეგ, უნდა შეარჩიოთ თქვენთვის სასურველი საგანმანათლებლო პროგრამა/პროგრამები. შესაძლებელია გააკეთოთ მაქსიმუმ 5 არჩევანი და დაალაგოთ პრიორიტეტების მიხედვით.
3. აუცილებლად უნდა დაფაროთ მობილობის საფასური (40 ლარი) საქართველოს ბანკში. წინააღმდეგ შემთხვევაში, ვერ მიიღებთ მონაწილეობას მობილობის პროცესში.
4. პროგრამის საბოლოოოდ შერჩევის შემდეგ, 2021 წლის 2 სექტემბერს, თქვენ აუცილებლად უნდა მიიღოთ მობილობის შესახებ პასუხი პორტალის მეშვეობით - დადასტურება ან უარი. სწორედ ამის შემდეგ განსაზღვრავთ, რომელ უნივერსიტეტში გააგრძელებთ სწავლას.
5. მიმღებ უნივერსიტეტში, ჩვენ შემთხვევაში კი საქართველოს ტექნიკურ უნივერსიტეტში მობილობით ჩარიცხული სტუდენტების რეგისტრაციის ვადების, სარეგისტრაციო ლოკაციისა და წარსადგენი დოკუმენტაციის შესახებ დეტალურ ინფორმაციას დამატებით მოგაწვდით ტექნიკური უნივერსიტეტის ვებგვერდის gtu.ge და ფეიბუქის გვერდის მეშვეობით.

საქართველოს ტექნიკური უნივერსიტეტი წარმატებებს გისურვებთ!

სიახლეებში დაბრუნება