28-06-2021

სტუდენტები, რომლებმაც ვერ შეძლეს მეორე სემესტრის შუალედურ გამოცდებზე გასვლა, ინდივიდუალური სასწავლო გრაფიკის ფარგლებში, შუალედური გამოცდების აღდგენას შეძლებენ:  

• 2021 წლის 5-დან 10 ივლისის ჩათვლით.

შუალედური გამოცდების აღდგენის ცხრილი ხელმისაწვდომია ბმულზე: 
https://elearning.gtu.ge/mod/folder/view.php?id=383491

ცხრილების ბმულები განთავსებულია: 

• დისტანციური სწავლების საუნივერსიტეტო პლატფორმაზე - https://elearning.gtu.ge
• აკადემიური მოსწრების გვერდზე - https://leqtori.gtu.ge
• სტუ საგამოცდო ცენტრის გვერდზე - http://testing.gtu.ge/
• პირველკურსელთა ელექტრონული სერვისების საუნივერსიტეტო სისტემის გვერდზე - https://vici.gtu.ge

საგამოცდო ცხრილებში მითითებულია ჯგუფის ნომერი, სასწავლო კურსის დასახელება, გამოცდის ჩატარების ელექტრონული მისამართი, თარიღი, დრო და გამოცდის მიმდინარეობის ხანგრძლივობა. 
აქვე გაცნობებთ, რომ მეორე სემესტრის დასკვნითი გამოცდები ჩატარდება 2021 წლის 12-დან 24 ივლისის ჩათვლით, ხოლო დამატებითი გამოცდები - 26-დან 31 ივლისის ჩათვლით.

გთხოვთ, გაითვალისწინოთ, რომ:

• დასკვნით გამოცდაზე დასაშვებად, თითოეულ სასწავლო კურსში სტუდენტს დაგროვილი უნდა ჰქონდეს საერთო 30 ქულა (სემესტრის მიმდინარე სასწავლო აქტივობის ქულა + შუასემესტრული გამოცდის ქულა).
• დასკვნით გამოცდაში მინიმალური კომპეტენციის ზღვარი ბაკალავრებისთვის შეადგენს 11 ქულას, მაგისტრანტებისა და დოქტორანტებისთვის - 21 ქულას.
• იმისთვის, რომ სასწავლო კურსი ჩაბარებულად ჩაითვალოს, სტუდენტმა თითოეულ საგანში უნდა გადალახოს მინიმალური კომპეტენციის ზღვარი - ჯამურად დააგროვოს 51 ქულა და მეტი.  

საქართველოს ტექნიკური უნივერსიტეტის რექტორისა და აკადემიური საბჭოს გადაწყვეტილებით, 2020-2021 სასწავლო წლის II სემესტრში, კოვიდპანდემიის გათვალისწინებით, ყველა სტუდენტი გადაყვანილია სწავლების ინდივიდუალურ გრაფიკზე.

საქართველოს ტექნიკური უნივერსიტეტი წარმატებებს გისურვებთ! 

სიახლეებში დაბრუნება