საქართველოს ტექნიკური უნივერსიტეტის არქიტექტურისა და მოდის დიზაინის ტექნოლოგიების საბაკალავრო პროგრამებზე ჩაბარების მსურველი აბიტურიენტების საყურადღებოდ!

ქართულენოვანი საბაკალავრო პროგრამის - "არქიტექტურა“ და რუსულენოვანი საბაკალავრო პროგრამის - "Архитектура“ არჩევის შემთხვევაში, ერთიან ეროვნულ გამოცდებამდე აბიტურიენტმა უნდა გაიაროს გასაუბრება ხატვასა და ხაზვაში.

ქართულენოვანი საბაკალავრო პროგრამის - “მოდის დიზაინის ტექნოლოგიები“ არჩევის შემთხვევაში, ერთიანი ეროვნული გამოცდებამდე აბიტურიენტმა უნდა გაიაროს გასაუბრება მხოლოდ ხატვაში.

გასაუბრება ხატვასა და ხაზვაში ჩატარდება საქართველოს ტექნიკური უნივერსიტეტის პირველ კორპუსში, არქიტექტურის, ურბანისტიკისა და დიზაინის ფაკულტეტზე:

• 2021 წლის 1-დან 19 ივნისის ჩათვლით;
• 0:00-დან 17:00 საათამდე, ყოველდღე, კვირის გარდა;
• მისამართზე: ქ. თბილისი, კოსტავას 68, საქართველოს ტექნიკური უნივერსიტეტის I – А კორპუსი; I – А 402 აუდიტორია.
• გასაუბრებაზე აბიტურიენტმა თან უნდა იქონიოს პირბადე და პირადობის დამადასტურებელი დოკუმენტი.
• გასაუბრებაზე აბიტურიენტმა უნდა წარმოადგინოს არანაკლებ სამი ნახატი და სამი ნახაზი შესრულებული A3 ფორმატზე. დაიშვება A3-ზე დიდი ფორმატიც.

კოვიდპანდემიის საპრევეციო ღონისძიებებიდან გამომდინარე, რეგულაციების სრულად დაცვისთვის საჭიროა, 2021 წლის 13 მაისიდან 13 ივნისის ჩათვლით, გაიაროთ წინასწარი რეგისტრაცია ბმულზე: https://forms.gle/g13kjvkbAo1LAq3i6 და 2021 წლის 1-დან 19 ივნისის ჩათვლით, შეავსოთ გასაუბრების სარეგისტრაციო ფორმა:

• აირჩიოთ თქვენთვის სასურველი დღე გასაუბრებისთვის (გთხოვთ, მიუთითოთ მხოლოდ ერთი დღე);
• მიუთითოთ პირადი ნომერი;
• მიუთითოთ გვარი, სახელი;
• საკონტაქტო ტელეფონის ნომერი;

გასაუბრებაზე ვიზიტის ცვლილების ან რაიმე პრობლემის შემთხვევაში, გთხოვთ დაუკავშირდეთ საქართველოს ტექნიკური უნივერსიტეტის არქიტექტურის, ურბანისტიკის და დიზაინის ფაკულტეტს.

• მისამართი: ქ. თბილისი, კოსტავას 68, საქართველოს ტექნიკური უნივერსიტეტის I – А კორპუსი.
• E-mail: arch@gtu.ge
• საკონტაქტო ნომერი: 032 233 71 63 / +995 599 514 819 / +995 599 544 398.

სიახლეებში დაბრუნება