„წიგნების თაროს“ მე-6 სტუდენტური სეზონისთვის რეგისტრაცია მიმდინარეობს

„წიგნების თაროს“ მე-6 სტუდენტური სეზონისთვის რეგისტრაცია მიმდინარეობს

01-02-2021


„წიგნების თარო“ საქართველოს საზოგადოებრივი მაუწყებლის „პირველი არხის“ პოპულარული ახალგაზრდული ლიტერატურული შოუა, რომლის თემატიკა, ლიტერატურასთან ერთად, სხვადასხვა შემეცნებითი სფეროა. შოუს ავტორია ნინო კელაურიძე, წამყვანი კი – ალექსანდრე ლორთქიფანიძე.

„წიგნების თაროს“ მე-6 სტუდენტურ სეზონში საქართველოს უმაღლესი სასწავლებლების საუკეთესო 16 გუნდი ერთმანეთს შეეჯიბრება.

იმ უმაღლესი სასწავლებლების სტუდენტებმა, რომლებსაც „წიგნების თაროს“ მე-6 სტუდენტურ სეზონში მონაწილეობის სურვილი აქვთ, უნდა გაიარონ შემდეგი ეტაპები:

  1. შექმნან სამი სტუდენტისგან შემდგარი გუნდი, შეავსონ აპლიკაცია საიტზე:
    https://registracia.wignebistaro.ge/ და დარეგისტრირდნენ.
  2. დარეგისტრირებულ გუნდებთან მოეწყობა გასაუბრება, რომლის შედეგადაც „წიგნების თაროს“ შემოქმედებითი ჯგუფი გადაცემაში მონაწილე 16 გუნდს გამოავლენს.

თითოეული უმაღლესი სასწავლებლიდან გადაცემაში მონაწილე გუნდების რაოდენობა შეზღუდული არ არის.

გუნდი უნდა აკმაყოფილებდეს შემდეგ კრიტერიუმებს:

  1. გუნდის სამივე წევრი, 2020-2021 სასწავლო წელს, ბაკალავრიატის სტუდენტი უნდა იყოს.
  2. გუნდის სამივე წევრი  ერთი და იმავე უმაღლესი სასწავლებლის სტუდენტი უნდა იყოს.
  3. გუნდის არც ერთი წევრი არ უნდა იყოს „წიგნების თაროს“ წინა სეზონების გამარჯვებული.

რეგისტრაციის დასრულების თარიღია: 05.02.2021

საკონტაქტო პირი: +995 598 491 956 (ანი)

„პირველი არხი“ პროექტის მონაწილეებს წიგნებსა და სხვადასხვა სამახსოვრო საჩუქარს გადასცემს. გამარჯვებული გუნდის სამივე მონაწილე კი დიდ ბრიტანეთში, კემბრიჯის საზაფხულო სკოლაში გაემგზავრება.

 


 

სიახლეებში დაბრუნება