კომპანია Qarva-ს დეველოპმენტის დეპარტამენტი საინფორმაციო ტექნოლოგიების მე-3 და მე-4 კურსის სტუდენტებისთვის ანაზღაურებადი სტაჟირების პროგრამას აცხადებს.

კომპანია ეძებს მეგობრულ, ინიციატივების მოყვარულ და განვითარებაზე ორიენტირებულ სტაჟიორებს.

დაინტერესებულმა პირებმა, სამოტივაციო წერილი და საკონტაქტო მონაცემები უნდა გააგზავნონ ელ. ფოსტაზე: HR@qarva.com .

ამასთანავე, მსურველმა სათაურში უნდა მიუთითოს - „სტაჟირება“. 

სტაჟირების პროგრამა Qarva-ში: 

• შერჩეული მონაწილეები სტაჟირებას გაივლიან სხვადასხვა მიმართულებით: Android,  IOS, Web, C/C++, Python  
• პროგრამის მონაწილეები იმუშავებენ გამოცდილ სპეციალისტებთან ერთად
• სტაჟირების პროგრამა გაგრძელდება 3 თვის განმავლობაში
• სტაჟირების წარმატებით დასრულების შემთხვევაში სტუდენტებს საშუალება ეძლევათ დასაქმდნენ Qarva-ში 

კომპანიის შესახებ: 

ინოვაციების კომპანია Qarva ქმნის სატელევიზიო პროგრამულ უზრუნველყოფას და უკვე 10  წელზე მეტია ოპერირებს როგორც ქართულ, ასევე საერთაშორისო ბაზარზე. 

Qarva-ს წარმატებული და ცნობილი სატელევიზიო პროგრამული უზრუნველყოფის პროექტი საქართველოში წარმოდგენილია SilkTV-ის სახით.  

კომპანიის კონკურენტული უპირატესობა ასევე თვალსაჩინოა საერთაშორისო ბაზარზე. იგი ყოველწლიურად მონაწილეობს მსოფლიოს მთავარ სატელევიზიო გამოფენებში. 2017 წელს ლონდონში Qarva-ს პროდუქტი, Qarva Multipipe, წარდგენილი და დაჯილდოვებული იყო როგორც საუკეთესო სტრიმინგის ინოვაციური ტექნოლოგია.

2018 წლიდან Qarva გახდა DVB  (DVB – Digital Video Broadcasting)-ის წევრი. DVB - ევროპული ასოციაცია, რომელიც უზრუნველყოფს ციფრული ვიდეოს გადაცემის სტანდარტს მთელს ევროპაში, აზიასა და აფრიკაში. DVB-ის მსოფლიოს მასშტაბით 1 მილიარდზე მეტი მომხმარებელი ყავს. 

მისამართია: თბილისი, ირაკლი გამყრელიძის N3.

სიახლეებში დაბრუნება