პროექტის - „სტრატეგიული პარტნიორობა ტრენინგში აივ ინფექცია/შიდსის დასამარცხებლად საქართველოში“ გახსნის ონლაინ კონფერენცია დღეს გაიმართება

პროექტის - „სტრატეგიული პარტნიორობა ტრენინგში აივ ინფექცია/შიდსის დასამარცხებლად საქართველოში“ გახსნის ონლაინ კონფერენცია დღეს გაიმართება

16-09-2020

მიმდინარე წლის 16 სექტემბერს, 16:00-დან 18:00 საათამდე, იმართება პროექტის -  „სტრატეგიული პარტნიორობა ტრენინგში აივ ინფექცია/შიდსის დასამარცხებლად საქართველოში“ გახსნის კონფერენცია, რომელიც ღონისძიება ონლაინ რეჟიმში ჩატარდება.

ღონისძიებაზე დასასწრებად მსურველი უნდა ეწვიოს პარტნიორობის ვებსაიტს:

https://prah.ge/new/2-strategiuli-pratnioroba-aivshidsis-dasamarckheblad-saqartveloshi-gakhsnis-konferencia

კონფერენცია ჩატარდება Zoom-ში, შემდეგ ბმულზე https://zoom.us/j/92604290781

ორგანიზაციამ „პარტნიორობა ჯანმრთელობის კვლევისა და განვითარებისთვის“ (Partnership Research Action Health) აღნიშნული პროექტის განხორციელება 2020 წლის ივნისიდან. პროექტი  აშშ-ის ჯანმრთელობის ეროვნული ინსტიტუტის მიერ არის  დაფინანსებული.

პროექტის მთავარი მიზანია აივ კასკადის პირველ საფეხურზე არსებული ხარვეზების აღმოფხვრა, ქართველ მკვლევართა მომავალი თაობის ტრენინგის გზით, საზოგადოებრივ ჯანმრთელობასა და იმპლემენტაციის მეცნიერებაში.

რეგისტრაციის გავლის შემდეგ მონაწილე მიიღებს Zoom-ის ბმულს, რომლის მეშვეობითაც შეძლებს კონფერენციაზე დასწრებას. 

შეხვედრის მიზანია პროექტის შესახებ ინფორმაციის ფართოდ გავრცელება და სამომავლო ტრენინგების პოტენციურ მონაწილეთა დაინტერესება.

 

შეხვედრაში მონაწილეობენ:

  • აშშ-ს მხრიდან: ნიუ-ორკის შტატის უნივერსიტეტის  დაუნთაუნის სამედიცინო ცენტრის, ოლბანის საზოგადოებრივი ჯანმრთელობის სკოლის, ნიუ-ორკის შტატის ჯანდაცვის დეპარტამენტის შიდსის ინსტიტუტის, ნიუ-ორკის უნივერსიტეტის, გლობალური საზოგადოებრივი ჯანმრთელობის სკოლის ნარკომანიისა და აივ / C ჰეპატიტის კვლევის ცენტრის ხელმძღვანელები და წარმომადგენლები.
  • საქართველოს მხრიდან: საქართველოს განათლების, მეცნიერების, კულტურისა და სპორტის სამინისტროს, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს, საზოგადოებრივი ჯანმრთელობის ეროვნული ცენტრის,  საქართველოს წამყვანი უნივერსიტეტების, აივ/შიდსის, ტუბერკულოზის და ჰეპატიტის სფეროში მოღვაწე სამთავრობო და არასამთავრობო სექტორის ხელმძღვანელები და წარმომადგენლები.    


საკონტაქტო პირი:

თამარ ზურაშვილი, „პარტნიორობა ჯანმრთელობის კვლევისა და განვითარებისთვის“. 

ტელ: 595092950

ელ.ფოსტა: tzurashvili@prah.ge  tzurashvili@hotmail.com


 

სიახლეებში დაბრუნება