სასწავლო სტიპენდიების პროგრამები ჩეხეთის რესპუბლიკაში

ჩეხეთის რესპუბლიკა აცხადებს ყოველწლიურ კონკურსს 2013-2014 სასწავლო წლისთვის და საქართველოს მოქალაქეებისთვის გამოყოფს 4 ჩეხურენოვან და 3 ინგლისურენოვან სასწავლო სტიპენდიების პროგრამას. 

ჩეხურენოვანი საბაკალავრო, სამაგისტრო და სადოქტორო პროგრამისთვის გამოყოფილია სტიპენდია შემდეგ სპეციალობებზე: მშენებლობა, ტექნიკური მრეწველობა, სოფლის მეურნეობა და ინფორმატიკა. (შერჩეული კანდიდატები ერთწლიან მოსამზადებელი კურსს გაივლიან ჩეხურ ენაში).

ინგლისურენოვან სამაგისტრო და სადოქტორო პროგრამებზე სტიპენდიები  გამოყოფილია ინფორმატიკის და სოფლის მეურნეობის სპეციალობებზე.

აპლიკანტებმა   საბუთებს უნდა დაურთონ ინგლისური ენის ცოდნის დამადასტურებელი სერტიფიკატი. საბუთები უნდა აიტვირთოს 2012  წლის  7 ნოემბრამდე შემდეგ მისამართზე: http://registr.dzs.cz/registr.nsf

დეტალური ინფორმაცია პროგრამის შესახებ განთავსებულია:  http://www.msmt.cz/international-cooperational/government-scholarship-developing-countries

სიახლეებში დაბრუნება