სტუ-ს დოქტორანტის გამარჯვება შოთა რუსთაველის ეროვნული სამეცნიერო ფონდის საგრანტო კონკურსში

საქართველოს ტექნიკური უნივერსიტეტის ქიმიური ტექნოლოგიისა და მეტალურგიის ფაკულტეტის დოქტორანტმა ნათია გიგაურმა წარმატებით მიიღო მონაწილეობა კონკურსში და შოთა რუსთაველის ეროვნული სამეცნიერო ფონდის გრანტი მოიპოვა.

ნათია გიგაური მეორე კურსის დოქტორანტია, პროგრამაზე ქიმიური და ბიოლოგიური ინჟინერია. მისი ხელმძღვანელია პროფესორი ლეილა გვერდწითელი.

ახალგაზრდა დოქტორანტის კვლევის საგანს წარმოადგენს აქტუალური ეკოლოგიური პრობლემა, რომელიც დაკავშირებულია ზესტაფონის ფეროშნადნობი ქარხნიდან გამოფრქვეული აეროზოლების გავრცელების მოდელირებაზე.

მას უცხოეთში  გამოქვეყნებული აქვს აღნიშნულ თემატიკასთან დაკავშირებული მიღწევები და უცხოელი მეცნიერების მხრიდან მიღებული აქვს არაერთი დადებითი გამოხმაურება.