16-02-2016
16 თებერვალს, საქართველოს ტექნიკურ უნივერსიტეტში ესტონეთის უნივერსიტეტების წარმომადგენლებმა საინფორმაციო შეხვედრა გამართეს. საინფორმაციო შეხვედრაში მონაწილეობდნენ ტალინის ტექნილოგიური უნივერსიტეტის საერთაშორისო კომუნიკაციების ხელმძღვანელი, ქალბატონი ქეით კიისელი; ტარტუს უნივერსიტეტის საერთაშორისო მარკეტინგის ხელმძღვანელი, ქალბატონი ეველი სოო და კონსულტანტი აღმოსავლეთ ევროპასთან დაკავშირებით, ალექსანდრე ჩანადირი და ტალინის უნივერსიტეტის საერთაშორისო მარკეტინგის სპეციალისტი, ქალბატონი კაროლინ მაგი.
ესტონელმა სტუმრებმა ტექნიკური უნივერსიტეტის სტუდენტებს ესტონეთში სწავლისა და უმაღლესი განათლების მიღების შესაძლებლობებსა და პერსპექტივებზე ვრცლად ესაუბრეს. შეხვედრა კითხვა-პასუხის რეჟიმში ჩატარდა, სადაც ქართველმა სტუდენტებმა მათთვის საინტერესო შეკითხვებზე ამომწურავი პასუხები მიიღეს.
აღსანიშნავია, რომ ამჟამად ესტონეთში ქართველ სტუდენტთა რაოდენობა წინა წლის მონაცემებთან შედარებით დაახლოებით 150-დან 260-მდე გაიზარდა.
