„საინფორმაციო საზოგადოება და განათლების ინტენსიფიკაციის ტექნოლოგიები" - მეორე საერთაშორისო სამეცნიერო-ტექნიკური კონფერენცია სტუ-ში გაიმართება

 21-23 მაისს საქართველოს ტექნიკურ უნივერსიტეტში მეორე საერთაშორისო სამეცნიერო-ტექნიკური კონფერენცია - „საინფორმაციო საზოგადოება და  განათლების ინტენსიფიკაციის ტექნოლოგიები"  ჩატარდება.

 კონფერენცია საქართველოს ტექნიკური უნივერსიტეტის „მართვის ავტომატიზებული სისტემების“ კათედრის დაარსების 50-ე წლისთავს და მისი დამაარსებლის, აკადემიკოს გოჩა ჩოგოვაძის დაბადების 80 წლისთავის იუბილეს ეძღვნება.

კონფერენციის თემატიკა:

სექცია 1 – „მართვის ავტომატიზებული სისტემები“ :

1. საწარმოო და სოციალური პროცესების მოდელირების ტექნოლოგიები. კომპიუტერული სისტემების საიმედოობა. კიბერ­უსაფრთხოების პრობლემები და მათი გადაწყვეტის გზები;
2. ეკოსისტემები, Big Data და Web ტექნოლოგიები. Machine Learning და Data Mining სისტემები. ნანოტექნოლოგიები ინფორმაციულ საზოგადოებაში;
3. მენეჯმენტის საინფორმაციო სისტემების პროგრამული ინჟინერია. დაპროგრამების მობილური და ჰიბრიდული ტექნოლოგიები. ინფორმაციული საზოგადოება და „ღრუბლოვანი“ ტექნოლოგიები.

სექცია 2 – „ინფორმაციული საზოგადოება“ :

1. ინფორმაციული საზოგადოება - ცივილიზაციის განვითარების ახალი ისტორიული ეტაპი. ხელოვნური ინტელექტი და ინდუსტრია_4/5;
2. მედიატექნოლოგიები და მედიაინფორმატიკა. ადამიან-მანქანური ინტერაქციები. ვირტუალური რეალობის სისტემები და კომპიუტერული გრაფიკა;
3. ინტელექტუალური განათლების ტექნოლოგიები და ინფორმატიკის დიდაქტიკა. საზოგადოება და ინფორმაციული სისტემები COVID19 პანდემიის პირობებში.

კონფერენცია ჩატარდება დასწრებული და დისტანციური ფორმატით. სამუშაო ენა: ქართული, ინგლისური და რუსული.

კონფერენციის შესახებ დამატებითი ინფორმაცია იხილეთ ბმულზე:

http://www.conf-unesco.gtu.ge/