საგამოცდო ლაბორატორია

საქართველოს  ტექნიკური უნივერსიტეტის  გემოლოგიისა და მინერალურ ნივთიერებათა კვლევის, დიაგნოსტიკისა და გადამუშავების რესპუბლიკური ცენტრის საგამოცდო ლაბორატორიას აკრედიტებული სფეროები დაემატა.

 კერძოდ, ლაბორატორიამ აკრედიტაცია გაიარა შემდეგ დამატებით სფეროებში:

1. საღებავების ნაწარმი, სამხატვრო საღებავები;

2. პლასტილინი;

3. პლასტმასის სათამაშოები;

4. პლასტმასები და მათი ნაწარმი; 

აღსანიშნავია, რომ  18-20 სექტემბერს საქართველოს ტექნიკური უნივერსიტეტის გემოლოგიისა და მინერალურ ნივთიერებათა კვლევის, დიაგნოსტიკისა და გადამუშავების  რესპუბლიკური ცენტრის საგამოცდო ლაბორატორიაში აკრედიტაციის ერთიანი ეროვნული ორგანოს - აკრედიტაციის ცენტრის მიერ განხორციელდა გეგმიური ყოველწლიური შეფასება და  აკრედიტაციის სამუშაოები  (ისო იეკ 17025:2017/2018) დამატებითი სფეროს გასაფართოებლად რამდენიმე მიმართულებით. 

აკრედიტებულმა ლაბორატორიამ ყოველწლიური შეფასება გაიარა შემდეგ აკრედიტებულ სფეროებში:

1. ოქრო-ვერცხლის, ოქრო-პლატინისა და პალადიუმის შენადნობები, ძვირფასი ლითონების მასალები;

2. ბადე-კატალიზატორები პლატინის შენადნობებისგან, ფერადი ლითონებისა და რკინის შენადნობები;

3. ძვირფასი (საიუველირო) და სანახელავო მინერალები;

4. ქანები: ულტრაფუძე, ფუძე, საშუალომჟავე; მინერალები: მეორადი და მადნეული მინერალები;

5. ნიადაგები;

6. ოქროსა და სპილენძის მადანი და კონცენტრატი. ბარიტის მადანი, მანგანუმის მადანი და კონცენტრატი. 

გეგმიური შეფასება განახორციელეს ლაბორატორიის ხელმძღვანელმა,  პროფესორმა ნოდარ ფოფორაძემ, მენეჯერმა ტექიკურ მეცნიერებათა დოქტორმა ინესა ქუთელიამ, თანამშრომლებმა - ქიმიის მეცნიერებათა კანდიდატებმა ირინე გვალიამ და ხათუნა გაჩეჩილაძემ, გეოლ-მინ. მეცნ. კანდიდატმა  სულხან გველესიანმა,  აკადემიურ დოქტორებმა - ოლღა სესკურიამ და ნათია ინანაშვილმა,  ინჟინრებმა - ნანა იკოშვილმა და ვერა აბზიანიძემ, მაგისტრებმა - მაია კობახიძემ, რუსუდან მეტრეველმა და ბადრი გოგიამ.

გემოლოგიისა და მინერალურ ნივთიერებათა კვლევის, დიაგნოსტიკისა და გადამუშავების  რესპუბლიკური  ცენტრის ბაზაზე 2006 წელს ჩამოყალიბებულ საგამოცდო ლაბორატორიას 2014 წლიდან მიღებული აქვს  ისო/იეკ 17025:2012 სერტიფიკატი.

წლების განმავლობაში ლაბორატორია გადაიარაღდა და ახალი ხელსაწყო-მოწყობილობები შეიძინა. გარდა ამისა, გარემონტდა ოთახები და  სხვადასხვა დონის ტრენინგებზე ლაბორატორიის თანამშრომლებმა კვალიფიკაცია აიმაღლეს.

საგამოცდო ლაბორატორიის ყოველწლიური შეფასებისა და დამატებით აკრედიტაციის სამუშაოები ჩაატარა ექსპერტ-შემფასებელთა ჯგუფმა შემდეგი შემადგენლობით:

ა) ალა კუგუშევა - ჯგუფის ხელმძღვანელი (წამყვანი შემფასებელი, აკრედიტაციის სამსახურის       მთავარი სპეციალისტი); ბ) ზურაბ გველესიანი - ტექნიკური შემფასებელი (შტატგარეშე მოსამსახურე); გ) მანანა ოთარაშვილი - ექსპერტი (შტატგარეშე მოსამსახურე).