რექტორი
აკადემიკოსი დავით გურგენიძე
საქართველოს ტექნიკური უნივერსიტეტის რექტორი, აკადემიური დოქტორი, პროფესორი, აკადემიკოსი
დაბადების თარიღი: 16/10/1963
ელფოსტა: gurgenidzedavid@gtu.ge,
აკადემიკოსი დავით გურგენიძე დაიბადა 1963 წლის 16 ოქტომბერს თბილისში,1981-83 წლებში სწავლობდა ქ. მოსკოვის ვ. კუიბიშევის სახელობის საინჟინრო-სამშენებლო ინსტიტუტში, 1983-87 წლებში – საქართველოს პოლიტექნიკურ ინსტიტუტში ჰიდროტექნიკისა და სანტექნიკის ფაკულტეტზე, მიენიჭა ინჟინერ-ჰიდროტექნიკოსის კვალიფიკაცია. 1999-2001 წწ. – საქართველოს ტექნიკური უნივერსიტეტის სამართლის ფაკულტეტზე სამოქალაქო სამართლის მაგისტრის სპეციალობით.
2006-იდან იგი საქართველოს ენერგეტიკის აკადემიის ნამდვილი წევრია (აკადემიკოსი), 2019-იდან – საქართველოს საინჟინრო აკადემიის ნამდვილი წევრი (აკადემიკოსი). 2019 წ მიენიჭა საქართველოს დამსახურებული მშენებლის წოდება.
დავით გურგენიძის პროფესიული გამოცდილება მოიცავს როგორც საქართველოში, ისე საზღვარგარეთ დადგმული სიმძლავრეების (ჰიდროენერგეტიკული, ჰიდრომელიორაციული ჰიდროკვანძებისა და თბოელექტროსადგურების) საექსპლუატაციო ანალიზსა და მონიტორინგს, აგრეთვე სხვადასხვა ენერგეტიკული, სამოქალაქო და სამრეწველო ობიექტის მშენებლობა-რეკონსტრუქციაში მონაწილეობას.
1980 წ. მუშაობა დაიწყო ქ. მცხეთის სამრეწველო კომბინატში მუშად. 1980‐81 წწ. იყო საქართველოს სოფლის მშენებლობის სამინისტროს, №9 ტრესტის ზეინკალი; 1983‐87 წწ. – ენგურჰესის მშენებლობაზე, სამშენებლო რაზმების მეთაური; 1985‐90 წწ.– სპი‐ის ჰიდროტექნიკისა და სანტექნიკის ფაკულტეტის კომკავშირის კომიტეტის მდივანი, სპი‐ის კომკავშირის კომიტეტის მდივნის მოადგილე, თბილისის საქალაქო კომიტეტის მეცნიერებისა და ტექნიკის განყოფილების გამგე; 1990‐93 წწ. – სამეცნიერო‐საწარმოო გაერთიანება „კომპლექსის“ გენერალური დირექტორის მოადგილე (ქ. თბილისი);1992‐94 წწ. – სს „ზოდიაქოს“ პრეზიდენტი (ქ. მოსკოვი); 1993‐97 წწ.– Ltd D.I.V.A. გამგეობის თავმჯდომარე (ქ. ვენა, ავსტრია); 1994‐96 წწ. – თეორიული და ექსპერიმენტული ფიზიკის ინსტიტუტში (ქ. მოსკოვი), მეცნიერი‐თანამშრომელი (სახელშეკრულებო თემა); 1997‐98 წწ. – სტუ‐ის წყალმომარაგებისა და კანალიზაციის კათედრის გამგის მოადგილე; 1997‐2001 წწ. – სს „მერკური – 92-ის“, გენერალური დირექტორი (ქ. თბილისი); 1998‐2001 წწ. – სტუ‐ის წარმოებისა და ბიზნესის ხელშემწყობი „TEMPUS TACIS“‐ის საერთაშორისო ცენტრის ხელმძღვანელი; 2001‐03 წწ. – სტუ‐ის ჰიდროსაინჟინრო ფაკულტეტის სახელმწიფო საგამოცდო კომისიის თავმჯდომარე; 2001-04 წწ. – საქართველოს სათბობ-ენერგეტიკის მინისტრის მოადგილეა და მისი უშუალო საქმიანობის სფერო ჰიდროტექნიკური ნაგებობებია, სადაც მისი ინიციატივითა და უშუალო ხელმძღვანელობით მრავალი სამეცნიერო-საპროექტო და პრაქტიკული, ინოვაციური საქმიანობის რეალიზაცია მოხდა.
2002‐05 წწ. სტუ‐ის წყალმომარაგებისა და კანალიზაციის კათედრის მეცნიერი‐თანამშრომელია; 2005‐11 წწ. – საქართველოს საინჟინრო აკადემიის მრჩეველი; 2006‐07 წწ. – სტუ‐ის ენერგეტიკისა და ტელეკომუნიკაციის ფაკულტეტის, თბოტექნიკისა და ჰიდროენერგეტიკის დეპარტამენტის მოწვეული სპეციალისტი, საათობრივი ანაზღაურებით; 2012‐13 წწ. – სტუ‐ის სამშენებლო ფაკულტეტის წყალმომარაგების, წყალარინების, თბოაირმომარაგებისა და შენობათა საინჟინრო აღჭურვის დეპარტამენტის მოწვეული სპეციალისტი, საათობრივი ანაზღაურებით; 2013 წლიდან – სტუ‐ის სასწავლო პროცესის მონიტორინგის დეპარტამენტის უფროსი; 2015‐17 წწ. – სტუ‐ის სამშენებლო ფაკულტეტის დეკანის მოვალეობის შემსრულებელი; 2017‐18 წწ. – სტუ‐ის სადოქტორო საგანმანათლებლო პროგრამა „ჰიდროინჟინერიის“ – ხელმძღვანელი; 2017-20 წწ. – საქართველოს ტექნიკური უნივერსიტეტის სამშენებლო ფაკულტეტის დეკანი. ამ პერიოდში და ახლაც დავით გურგენიძე კოორდინაციას უწევს და თვითონაც აქტიურად მონაწილეობს სამეცნიერო სამუშაოებში, რომლებიც ეხება ზოგადად მშენებლობის ინდუსტრიის და კონკრეტულად ჰ/ტ ნაგებობების მნიშვნელოვან საკითხებს: სამშენებლო მასალების ღრმა მეცნიერულ კვლევებს, დაპროექტებისა და სამუშაოების წარმოების პროცესებს, კაშხლების, გვირაბების, წყალმიმღებ ნაგებობათა სეისმომედეგობის საკითხებს, საქართველოში მშენებარე ჰიდროტექნიკური ნაგებობების საპროექტო და საექსპლუატაციო შეფასებებს.
2017-იდან არის საქართველოს პარლამენტის რეგიონალური პოლიტიკისა და თვითმმართველობის კომიტეტთან არსებული სამეცნიერო‐საკონსულტაციო საბჭოს წევრი; 2020-იდან – საქართველოს ტექნიკური უნივერსიტეტის რექტორი; 2021-იდან საქართველოს პრეზიდენტის N 01/10/01 განკარგულებით, საქართველოს ეროვნული პრემიის კომისიის წევრი; 2022 წლის 15 ივნისიდან – საქართველოს ტექნიკური უნივერსიტეტის საინჟინრო-ტექნოლოგიური და საბუნებისმეტყველო საუნივერსიტეტო სადისერტაციო საბჭოს თავმჯდომარე. 2023 წელს დავით გურგენიძე არის საქართველოს მეცნიერებათა აკადემიის აკადემიკოსი.
დავით გურგენიძე არის 100-ზე მეტი სამეცნიერო ნაშრომის ავტორი, მათ შორის 2 გამოგონების, 7 მონოგრაფიის, 7 სახელმძღვანელოსი, 5 დამხმარე სახელმძღვანელოსი და 1 ენციკლოპედიური ლექსიკონის (Vტომი). კოორდინაციას უწევდა 3 საერთაშორისო საგრანტო პროექტს. იგი წლების განმავლობაში არაერთი სადისერტაციო ნაშრომის სამეცნიერო ხელმძღვანელია, მათგან დაცულია 7 სადოქტორო ნაშრომი.
დავით გურგენიძის აქტიურ სამეცნიერო-პედაგოგიურ მუშაობაზე მიუთითებს ისიც, რომ იგი არის აკადემიკოს ი. ეგიაზაროვის სახელობის წყლის პრობლემებისა და ჰიდროტექნიკის ინსტიტუტის (სომხეთის რესპუბლიკა, 2019წ.), ბელოსტოკის ტექნიკური უნივერსიტეტის (პოლონეთი, 2020წ.), უკრაინის ნაციონალური საავიაციო უნივერსიტეტის (2021წ.), სომხეთის არქიტექტურისა და მშენებლობის ნაციონალური უნივერსიტეტის (2021წ.) საპატიო დოქტორი.
2021 წლიდან არჩეულია საქართველოს იურიდიული აკადემიის ნამდვილ წევრად.
პროფესორი დავით გურგენიძე სტუდენტი-ახალგაზრდობის აღზრდაში შეტანილი პირადი წვლილისათვის საქართველოს პრეზიდენტის 1999 წლის 21 დეკემბრის #1518 განკარგულებით დაჯილდოვდა ღირსების ორდენით.
ჟურნალისტთა საერთაშორისო ფონდმა პროფესორ დავით გურგენიძეს 2007 წლის 24 მაისს საქველმოქმედო საქმიანობისა და კაცთმოყვარეობისათვის „ოქროს ფრთა“ გადასცა.
2022 წლის 16 თებერვალს იგი დაჯილდოვდა ლიეტუვის რესპუბლიკის სახელმწიფო ორდენით – „დამსახურება ლიეტუვისთვის“ რაინდის ჯვრით.
2022-იდან საქართველოს მეცნიერებათა ეროვნული აკადემიის პრეზიდენტის
N02/30 ბრძანებით არის საქართველოს მეცნიერებათა ეროვნული აკადემიის პრეზიდიუმის ასოცორებული წევრი; 2023-იდან – საქართველოს რექტორთა მუდმივმოქმედმი კონფერენციის თავმჯდომარე.
2023 წლის 5 მაისს აკადემიკოსი დავით გურგენიძე დაჯილდოვდა დანტე ალიგიერის საზოგადოების ოქროს მედლით და დიპლომით.
ყავს მეუღლე, ორი შვილი.
