საქართველოს ტექნიკური უნივერსიტეტის რექტორი, აკადემიკოსი დავით გურგენიძე, საუნივერსიტეტო საზოგადოების სახელით, მწუხარებას გამოთქვამს სატრანსპორტო სისტემებისა და მექანიკის ინჟინერიის ფაკულტეტის კურსდამთავრებულის, ლაშა ცაგარეიშვილის, მასთან ერთად, მისი კოლეგის დაღუპვის გამო და რკინიგზელთა ოჯახებს სამძიმარს უცხადებს. 

„დიდუბე-ავჭალის სარკინიგზო მონაკვეთზე მომხდარ უბედურ შემთხვევას „საქართველოს რკინიგზის“ ორი თანამშრომელი ემსხვერპლა. დაღუპულთაგან ერთ-ერთი საქართველოს ტექნიკური უნივერსიტეტის კურსდამთავრებული, 23 წლის ლაშა ცაგარეიშვილია - გამორჩეული თავისი ადამიანობით, გულისხმიერებით, განსაკუთრებული სითბოთი, კარგი სწავლით. ლაშას არასოდეს დაივიწყებს მისი უნივერსიტეტი, პედაგოგები, თანაკურსელები - ის მუდამ დარჩება ჩვენს ფიქრებსა და ხსოვნაში. 

საქართველოს ტექნიკური უნივერსიტეტისა და სატრანსპორტო სისტემებისა და მექანიკის ინჟინერიის ფაკულტეტის სახელით, სამძიმარს ვუცხადებთ დაღუპულ რკინიგზელთა ოჯახებს“, - აღნიშნულია რექტორის, დავით გურგენიძის სამძიმრის წერილში.