21 ოქტომბერს 12:00 საათზე, საქართველოს ტექნიკური უნივერსიტეტის ადმინისტრაციულ შენობაში, ნიკო მუსხელიშვილის ბიბლიოთეკის დარბაზში (1-ლი სართული) Google-ის დეველოპერთა სტუდენტური კლუბის დაარსების შესახებ საინფორმაციო შეხვედრა გაიმართება. 

ორგანიზატორები დაინტერესებულ სტუდენტებს მოუწოდებენ, შეუერთდნენ ამ ინიციატივას და დაესწრონ შეხვედრას, რომელზეც არაერთი დეტალი იქნება განხილული.
ამით დაიწყება დიდი და დაუვიწყარი მოგზაურობა, რომლის განმავლობაშიც კლუბი თითოეულ ახალგაზრდას პიროვნული და კარიერული განვითარების მრავალ შესაძლებლობას მისცემს.