ქართულენოვანი პროგრამები
პრიორიტეტული პროგრამა.
პროგრამის მოცულობა - 240 კრედიტი
მისანიჭებელი კვალიფიკაცია - გეოლოგიის ბაკალავრი
სწავლების ენა - ქართული.
პროგრამის მიზანია:
- მისცეს სტუდენტს გეოლოგიისდარგში თანამედროვე მოთხოვნების შესაბამისი ფართო და ზოგადი თეორიული და პრაქტიკული ცოდნა დედამიწის შესახებ;
- შეასწავლოს გეოლოგიური, გეოფიზიკური, გემოლოგიური, საველე და ლაბორატორიული კვლევის თანამედროვე მეთოდები დედამიწის აგებულებისა და ნივთიერი შედგენილობის განსაზღვრისათვის;
- განუვითაროს სტუდენტს,საველე სამუშაოების წარმართვის, კვლევის შესაბამისი მეთოდებით გეოლოგიური მასალის ლაბორატორიული დამუშავების უნარები სხვადასხვა პრობლემების გადაჭრისათვის;
- ჩამოუყალიბოს გეოლოგიური ამოცანების შესასრულებლად საჭირო პრაქტიკული მუშაობის უნარ-ჩვევები დედამიწის შემადგენლობისა და სტრუქტურის შესწავლის მიზნით.
პროგრამაზე ჩასაბარებელი მე-3 სავალდებულო საგანი - მათემატიკა, ისტორია ან გეოგრაფია.
უცხო ენა: ფრანგული, ინგლისური, გერმანული, რუსული.
პრიორიტეტული პროგრამა.
პროგრამის მოცულობა - 240 კრედიტი
მისანიჭებელი კვალიფიკაცია - სამთო და გეოინჟინერიის ბაკალავრი
სწავლების ენა - ქართული
პროგრამის მიზანია:
- მოამზადოს სტუდენტები, რომლებიც ფლობენ სასარგებლო წიაღისეულის მოპოვების ტექნიკისა და ტექნოლოგიების ცოდნის ზოგიერთ თანამედროვე ასპექტებს;
- მისცეს ფართო ცოდნა სამთო საქმისა და მოპოვების სფეროს შესახებ, არსებული თეორიებისა და პრინციპების კრიტიკული გააზრებით;
- განუვითაროს მყარი სასარგებლო წიაღისეულის, ნავთობისა და გაზის ძებნა-ძიების, მარაგების შეფასების, დამუშავებისა და გადამუშავების განხორციელების უნარები.
პროგრამაზე ჩასაბარებელი მე-3 სავალდებულო საგანი - მათემატიკა, გეოგრაფია ან ფიზიკა.
უცხო ენა: ფრანგული, ინგლისური, გერმანული, რუსული.
პრიორიტეტული პროგრამა.
პროგრამის მოცულობა - 240 კრედიტი
მისანიჭებელი კვალიფიკაცია - საინჟინრო გეოდეზიისა და გეოინფორმატიკის ბაკალავრი.
სწავლების ენა - ქართული
პროგრამის მიზანია:
სტუდენტს მისცეს ფართო ცოდნა საინჟინრო გეოდეზიისა და გეოინფორმატიკის სფეროში.
შეასწავლოს სხვადასხვა სპეციფიკის მქონე საინჟინრო ობიექტების დაპროექტების, მშენებლობის და ექსპლუატაციის ეტაპებზე გეოდეზიური უზრუნველყოფის მეთოდები და ამოცანები, კლასიკური და თანამედროვე სამარკშეიდერო თუ გეოდეზიურ საშუალებები, გეოინფორმაციული სისტემებისა და დისტანციური ზონდირების ტექნოლოგიები და კადასტრი.
პროგრამაზე ჩასაბარებელი მე-3 სავალდებულო საგანი - მათემატიკა, გეოგრაფია ან ფიზიკა.
უცხო ენა: ფრანგული, ინგლისური, გერმანული, რუსული.
პრიორიტეტული პროგრამა.
პროგრამის მოცულობა - 240 კრედიტი
მისანიჭებელი კვალიფიკაცია - პროფესიული უსაფრთხოების ბაკალავრი.
სწავლების ენა - ქართული.
პროგრამის მიზანია:
- მისცეს სტუდენტს ფართო ცოდნა სამუშაო ადგილებთან დაკავშირებული ტექნიკური და ტექნოლოგიური პროცესების თანმდევი მავნე და საშიში ფაქტორების, დამახასიათებელი პროფესიული დაავადებებისა და პროფილაქტიკური ღონისძიებების, აგრეთვე გარემოსდაცვითი ღონისძიებების შესახებ.
- შეასწავლოს: საერთაშორისო სტანდარტებზე დაფუძნებული შრომის უსაფრთხოების კანონი და უსაფრთხოების ტექნიკის ძირითადი მოთხოვნები; საწარმოო რისკების შეფასებისა და კონტროლის, შრომის პირობების ოპტიმიზაციის მეთოდები; ავარიული სიტუაციების პროგნოზირების, ლოკალიზაციისა და ლიკვიდაციის ღონისძიებები.
- განუვითაროს სამუშაო ადგილებთან დაკავშირებული გარემოს ფაქტორების ამოცნობის, შეფასების, კონტროლისა და საწარმოო სახიფათო სიტუაციაში ადეკვატური გადაწყვეტილების მიღების, მოწინავე გამოცდილების გაზიარებისა და პროფესიული კომუნიკაციის უნარი.
პროგრამაზე ჩასაბარებელი მე-3 სავალდებულო საგანი - მათემატიკა, ისტორია, ქიმია ან ბიოლოგია.
უცხო ენა: ფრანგული, ინგლისური, გერმანული, რუსული.
პრიორიტეტული პროგრამა
პროგრამის მოცულობა - 240 კრედიტი.
მისანიჭებელი კვალიფიკაცია - .გარემოსმცოდნეობის ბაკალავრი
სწავლების ენა - ქართული
პროგრამის მიზანი
მთის სოფლის გარემოს მდგრადი განვითარების ინტერდისციპლინარული საგანმანათლებლო პროგრამის მიზანია, მოამზადოს სოფლის, მუნიციპალური, რეგიონალური და საერთაშორისო დონის შრომის ბაზარზე ორიენტირებული გარემოს მცოდნეობის ბაკალავრის აკადემიური ხარისხის მქონე სპეციალისტი, რომელსაც ექნება თანამედროვე გარემოს მდგრადი განვითარების კონცეფციების ცოდნა, სოფლის გარემოს მდგრადი განვითარების თეორიებისა და პრინციპების გააზრებისა და მთის მცოდნეობის საკითხების გაცნობიერების უნარი და შეძლებს საკუთარი კომპეტენციის ფარგლებში მთის გარემოს სფეროში მიმდინარე ბუნებრივი პროცესების გაცნობიერებას და პრიორიტეტების ადეკვატურად განსაზღვრას. საგანმანათლებლო პროგრამა უზრუნველყოფს სტუდენტისათვის მოქალაქეობრივი თვითშეგნების ფორმირებასა და დემოკრატიული ღირებულებების, ეთიკური და პროფესიული პატივისცემის ნორმების ჩამოყალიბებას. საგანმანათლებლო პროგრამით გათვალისწინებული სასწავლო კურსები სრულად მოიცავს დადგენილ ზოგად და დარგობრივ კომპეტენციებს, რაც მკაფიოდ ასახავს კურსდამთავრებული რა ცოდნის, უნარებისა და კომპეტენციების მქონე იქნება.
პროგრამაზე ჩასაბარებელი მე-3 სავალდებულო საგანი - მათემატიკა, ისტორია, გეოგრაფია ან ბიოლოგია.
უცხო ენა: ფრანგული, ინგლისური, გერმანული, რუსული.
პრიორიტეტული პროგრამა
პროგრამის მოცულობა - 240 კრედიტი
მისანიჭებელი კვალიფიკაცია - ტურიზმის ბაკალავრი
სწავლების ენა - ქართული
პროგრამის მიზანი
ინტერდისციპლინარული საგანმანათლებლო პროგრამა „მთის მდგრადი ტურიზმი და მასპინძლობის მენეჯმენტი“ მიზანია მოამზადოს მუნიციპალური, რეგიონალური და საერთაშორისო დონის შრომის ბაზარზე ორიენტირებული ტურიზმის ბაკალავრის აკადემიური ხარისხის მქონე მაღალკვალიფიციური, კონკურენტუნარიანი მთის მდგრადი ტურიზმის თეორიებისა და პრინციპების მცოდნე სპეციალისტი, რომელიც საკუთარი კომპეტენციის ფარგლებში შეძლებს გაანალიზოს, შეაფასოს, ჩამოაყალიბოს არგუმენტირებული დასკვნები მთის მდგრადი ტურიზმის განვითარების პრიორიტეტულ დარგებში.
პროგრამაზე ჩასაბარებელი მე-3 სავალდებულო საგანი - მათემატიკა , ისტორია გეოგრაფია
უცხო ენა: ფრანგული, ინგლისური, გერმანული, რუსული.
პრიორიტეტული პროგრამა
პროგრამის მოცულობა - 240 კრედიტი.
მისანიჭებელი კვალიფიკაცია - მენეჯმენტის ბაკალავრი
სწავლების ენა - ქართული
საგანმანათლებლო პროგრამის მიზანია შრომის ბაზრის მოთხოვნის შესაბამისი მენეჯმენტის ბაკალავრების მომზადებისას:
- შესძინოს კურსდამთავრებულს მენეჯმენტის თეორიებისა და პრინციპების კრიტიკულად გაცნობიერების საფუძველზე, მთიანი რეგიონების ორგანული ფერმერული სისტემების ეფექტიანად მართვისათვის სოციალურ, ეკონომიკურ, ეკოლოგიურ და ეთიკურ ასპექტებთან მიმართებით დარგის შესაბამისი ცოდნისა და პრაქტიკული უნარების ფართო სპექტრი;
- აღჭურვოს კურსდამთავრებული მთიანი რეგიონების ორგანულ ფერმერულ სისტემებში კლიმატგონივრული ტექნოლოგიების გამოყენების, მთაში არსებული ეკოლოგიურად ცვალებადი და რისკებით სავსე გარემოს ეფექტიანი მართვის უნარებით;
- შეუქმნას კურსდამთავრებულებს მთიანი რეგიონების ორგანული ფერმერული სისტემების მენეჯმენტის მიმართულებით სწავლის შემდგომ საფეხურზე გაგრძელებისა და უწყვეტი პროფესიული განვითარებისთვის მყარი საფუძველი.
პროგრამაზე ჩასაბარებელი მე-3 სავალდებულო საგანი - მათემატიკა, ისტორია
უცხო ენა: ფრანგული, ინგლისური, გერმანული, რუსული.
პრიორიტეტული პროგრამა
პროგრამის მოცულობა - 240 კრედიტი.
მისანიჭებელი კვალიფიკაცია - ინჟინერიის ბაკალავრი გარემოს ინჟინერიაში
სწავლების ენა - ქართული
პროგრამის მიზანი
ბაკალავრიატის საგანმანათლებლო პროგრამის „ ბუნებრივი საფრთხეები, მდგრადი გარემო და დაცვა“ მიზანია მოამზადოს შრომის ბაზრისთვის კონკურენტუნარიანი, მთიანი გარემოს ინფრასტრუქტურის დაცვისათვის თეორიულ და პრაქტიკულ საქმიანობაზე ორიენტირებული სპეციალისტი , რომელსაც შეუძლია მთის დინამიკურად ცვალებად პირობებში ორიენტაცია, წინასწარ გატარებული პრევენციული ღონისძიებების საფუძველზე გარემოს დაცვითი საინჟინრო ღონისძიებების გატარება, მთაში ბუნებრივი რისკ-ფაქტორების პროგნოზირება; თოვლისა და ზვავის გამომწვევი მიზეზების დადგენა; მთის ქანების წყლისმიერი ეროზიული პროცესებისაგან დაცვა; მთის მდინარეებზე კალაპოტური პროცესების რეგულირება და ნაპირდამცავი საინჟინრო ნაგებობების მოწყობა. ორიენტირებული თანამედროვე შრომითი ბაზრის მოთხოვნებზე.
პროგრამაზე ჩასაბარებელი მე-3 სავალდებულო საგანი - მათემატიკა, გეოგრაფია, ფიზიკა ან ქიმია.
უცხო ენა: ფრანგული, ინგლისური, გერმანული, რუსული.