საქართველოს ტექნიკურ უნივერსიტეტში მოქმედი პროფესორ  ვიდას კავალიაუსკასის ლიეტუვური ენის, კულტურის და განათლების ცენტრი სტუ-ის ნებისმიერი კურსის სტუდენტებს ლიეტუვური ენის შემსწავლელ უფასო კურსებზე იწვევს.

ცენტრში უფასო კურსები დაიწყება 15 აპრილიდან და ჩატარდება კვირაში 2-ჯერ (შაბათ-კვირის გარდა), 17:00 საათის შემდეგ, თქვენს სტუდენტურ გრაფიკზე მორგებულ დროს.   

კურსებზე რეგისტრაციის ბოლო ვადა  14 აპრილია. რეგისტრაციის გასავლელად, მსურველებმა აუცილებელია, შეავსოთ მოცემული ფორმა.

სტუ-ის პროფესორ ვიდას კავალიაუსკასის ლიეტუვური ენის, კულტურის და განათლების ცენტრი სტუდენტებს ასევე  არაერთ სხვა უსასყიდლო პროექტს სთავაზობს:

• სასწავლო კურსები ლიეტუვას უნივერსიტეტებში

• საზაფხულო კურსები

• სხვადასხვა საგანმანათლებლო პროგრამები ლიეტუვას რესპუბლიკაში (სტიპენდიით)

სტუ-ის სტუდენტებს, რომლებიც დაამთავრებენ ბაკალავრიატს და შეისწავლიან ლიეტუვურ ენას, მიეცემათ შესაძლებლობა უსასყიდლოდ განაგრძონ სწავლა ლიეტუვას ნებისმიერი უნივერსიტეტის სამაგისტრო პროგრამებზე. ასევე, სწავლის პერიოდში, დაენიშნებათ ლიეტუვას რესპუბლიკის სახელმწიფო სტიპენდია.

სტუ-ის პროფესორ  ვიდას კავალიაუსკასის ლიეტუვური ენის, კულტურის და განათლების ცენტრის სტუდენტებისთვის პროგრამას აფინანსებს ლიეტუვას რესპუბლიკა.