15-16 დეკემბერს,  საქართველოს ტექნიკური უნივერსიტეტის მეცნიერებისა და ინოვაციების დეპარტამენტის ორგანიზებით,    სამეცნიერო კონფერენცია
„საქართველოს ბუნებრივი რესურსების პოტენციალი და მათი მდგრადი გამოყენების პერსპექტივები” გაიმართება. 

ღონისძიება მიზნად ისახავს საქართველოს ბუნებრივი რესურსების პოტენციალის შეფასებას და მათი მდგრადი გამოყენების შესაძლებლობების განსაზღვრას.

კონფერენციის ძირითად მიმართულებას წარმოადგენს ხედვა: „ქვეყანაში ცოდნაზე დაფუძნებული ეკონომიკის განვითარების ხელშეწყობა”.

კონფერენციის მთავარი მიზნებია:

• ბუნებრივი რესურსების მართვის არსებული პრობლემების იდენტიფიცირება და რეკომენდაციების შემუშავება მათი გადაჭრის გზებზე;

• საქართველოს ტექნიკური უნივერსიტეტის სამეცნიერო პოტენციალის წარმოჩენა და მისი როლის ხაზგასმა მეცნიერებისა და ტექნოლოგიების განვითარებაში;

• რეგიონების მდგრადი განვითარების ხელშეწყობა ადგილობრივი რესურსების რაციონალური გამოყენებით.

განსახილველი თემატიკა:

• საქართველოს მიწის რესურსები და მათი გამოყენების პერსპექტივები;

• საქართველოს ტყის რესურსები და განვითარების შესაძლებლობები;

• ქვეყნის წყლის რესურსების პოტენციალი;

• საქართველოს ზღვისპირეთის რესურსების გამოყენების გზები;

• წიაღისეულის რესურსების მართვის თანამედროვე მიდგომები;

• ენერგორესურსების პოტენციალი და მათი მდგრადი გამოყენება;

• სამკურნალო მცენარეებისა და სხვა მცენარეული რესურსების გამოყენების შესაძლებლობები;

• ტურისტულ-რეკრეაციული რესურსების ეფექტიანი განვითარება.

კონფერენციაზე მოწვეულნი არიან მეცნიერები, მკვლევრები, უნივერსიტეტების აკადემიური პერსონალი, სტუდენტები და თემით დაინტერესებული პროფესიონალები.

კონფერენცია მნიშვნელოვან პლატფორმას წარმოადგენს  მეცნიერებისა და პრაქტიკის დასაკავშირებლად, რაც ხელს შეუწყობს ცოდნაზე დაფუძნებული ეკონომიკის გაძლიერებას საქართველოში.

***
კონფერენციაში მონაწილეობისათვის მსურველებმა უნდა წარმოადგინონ საკუთარი თეზისები ქართულ და ინგლისურ ენებზე, თანდართული ინსტრუქციის სრული შესაბამისობით.

თეზისის მომზადების წესი (Abstract)

თეზისი უნდა მოიცავდეს შემდეგ სტრუქტურას:

1. სათაური – შრიფტი: Sylfaen და Times New Roman – 12 pt, Bold, ცენტრში განლაგებული. 
2. ავტორი/ავტორები – სახელი, გვარი, დაწესებულება, სამეცნიერო წოდება; 
3. ელ. ფოსტა;
4. ძირითადი ტექსტი (150–200 სიტყვა);
5. თემის აქტუალობა, მიზანი და ამოცანები;
6. კვლევის მეთოდი, მიგნებები ან ძირითადი დასკვნები;
7. რეკომენდაციები რესურსების გამოყენების შესახებ; 
8. საკვანძო სიტყვები  4-6 სიტყვა, მძიმით გამოყოფილი. 

ფორმატირების მოთხოვნები:

• შრიფტი: Sylfaen და Times New Roman – 12 pt
• შუალედი: 1.5
• სათაური: Bold, 14 pt
• მინდვრები: 2 სმ
• შენახვის ფორმატი: Word (DOCX)
• ფაილის სახელწოდება: ავტორის გვარი + „თეზისი“ (მაგ. gogoladze_tezisi.docx)

კონფერენციაში მონაწილეებმა თეზისები უნდა წარადგინონ ელ. ფოსტის - science.dep@gtu.ge საშუალებით, 20 ნოემბრამდე.