საქართველოს ტექნიკური უნივერსიტეტის სტუდენტებსა და 2023-2024 სასწავლო წლის კურსდამთავრებულებს შესაძლებლობა ეძლევათ მონაწილეობა მიიღონ “ლურჯი ევროპა - 2024-2025 დენი დე რუჟმონის წერის კონკურსში” (Blue Europe - 2024-2025 “Denis de Rougemont” Writing Contest). 

კონკურსი ღიაა ბაკალავრიატის, მაგისტრატურისა და დოქტორანტურის სტუდენტებისთვის მთელი ევროპიდან, ასევე, იმ კურსდამთავრებულთათვის, რომლებმაც აკადემიური ხარისხი 2024 წელს მოიპოვეს. 

საკონკურსო რეგისტრაციისა რეფერატების წარდგენის ვადა 2025 წლის 31 მარტის ჩათვლით გრძელდება.

კონკურსის ყველა მონაწილე მიიღებს სერტიფიკატს, ხოლო შერჩეული ნამუშევრები გამოქვეყნდება Blue Europe-ის ვებგვერდსა და წელიწდეულში. 

გამარჯვებულ კონკურსანტს გადაეცემა ჯილდო 1000 ევროს ოდენობით, მეორე ადგილზე გასული კონკურსანტი კი 500 ევროს მიიღებს.

კონკურსის შესახებ დამატებითი ინფორმაციის, ინსტრუქციებისა და მონაწილეობის პირობების მოძიება შესაძლებელია ვებგვერდზე.