საქართველოს განათლებისა და მეცნიერების მინისტრმა სტუ-ის რექტორს 60 წლის იუბილე მიულოცა
16-10-2023
საქართველოს ტექნიკური უნივერსიტეტის რექტორს 60 წლის იუბილე საქართველოს განათლებისა და მეცნიერების მინისტრმა მიულოცა. გიორგი ამილახვარმა მილოცვის ტექსტი სოციალურ ქსელ ფეისბუკში გამოაქვეყნა.
“საქართველოს ტექნიკური უნივერსიტეტის რექტორს, აკადემიკოს დავით გურგენიძეს ვულოცავ დაბადებიდან 60 წლის იუბილეს.
ბატონ დავითს მნიშვნელოვანი წვლილი მიუძღვის ტექნიკური უნივერსიტეტის განვითარების საქმეში. უნივერსიტეტში მოღვაწეობისას მან, თავის გუნდთან ერთად, არაერთი ღირებული ინიციატივა და საგანმანათლებლო პროექტი განახორციელა, რაც უნივერსიტეტის წინსვლის კუთხით მართლაც დიდი წინგადადგმული ნაბიჯია.
მოხარული ვარ, რომ მისი ხელმძღვანელობის პერიოდში საქართველოს ტექნიკურ უნივერსიტეტს ინტერნაციონალიზაციის მიმართულებით მნიშვნელოვანი მიღწევები აქვს და გრძელდება აქტიური თანამშრომლობა მსოფლიოს წამყვან უნივერსიტეტებთან და სამეცნიერო ცენტრებთან.
კიდევ ერთხელ გილოცავთ, გისურვებთ მხნეობას, კეთილდღეობასა და წარმატებებს თქვენს ოჯახთან ერთად”, - წერს სოციალურ ქსელში საქართველოს განათლების და მეცნიერების მინისტრი.
