ბიდგოშჩის ეკონომიკის უნივერსიტეტი - საერთაშორისო სამეცნიერო-პრაქტიკული კონფერენცია „აკადემიური დიპლომატია და საპატიო კონსულების როლი საერთაშორისო თანამშრომლობის გაძლიერებაში“

ბიდგოშჩის ეკონომიკის უნივერსიტეტი (Wyższa Szkoła Gospodarki - WSG) (ბიდგოშჩი, პოლონეთი) საქართველოს ტექნიკური უნივერსიტეტის წარმომადგენლებს იწვევს საერთაშორისო სამეცნიერო და პრაქტიკულ კონფერენციაში მონაწილეობის მისაღებად. კონფერენცია „აკადემიური დიპლომატია და საპატიო კონსულების როლი საერთაშორისო თანამშრომლობის გაძლიერებაში“ გაიმართება 2026 წლის 26 ოქტომბერს, ჰიბრიდულ ფორმატში, როგორც ფიზიკური დასწრებით ქალაქ ბიდგოშჩში (პოლონეთი), ისე ონლაინრეჟიმში.

ღონისძიება გააერთიანებს უმაღლესი საგანმანათლებლო დაწესებულებების, საჯარო ინსტიტუტების, საერთაშორისო ორგანიზაციების, საპატიო კონსულების, დიასპორული გაერთიანებებისა და სოციალური და ეკონომიკური პარტნიორების წარმომადგენლებს მსოფლიოს სხვადასხვა ქვეყნიდან.

კონფერენციის ძირითადი თემები მოიცავს:
• აკადემიურ დიპლომატიას; 
• უმაღლესი განათლების ინტერნაციონალიზაციას; 
• საპატიო კონსულების როლს საერთაშორისო თანამშრომლობის განვითარებაში; 
• დიასპორებთან თანამშრომლობას; 
• მომავლის კომპეტენციებისა და გლობალური ლიდერობის განვითარებას. 

WSG უნივერსიტეტი მონაწილეობის მისაღებად იწვევს როგორც დაინტერესებულ მსმენელებს, ისე მომხსენებლებს.

კონფერენციის შესახებ დამატებითი ინფორმაცია და რეგისტრაციის ფორმა იხილეთ აქ. 

საკონტქტო ინფორმაცია:
ანასტასია სოტინა (Anastasiia Sotina)
ელ.ფოსტა: kspm@byd.pl