Erasmus+ შერეული ინტენსიური პროგრამა ვიტაუტას მაგნუსის სახელობის უნივერსიტეტში - 2024-2025 აკადემიური წლის II სემესტრი (სტუდენტებისთვის)

ვიტაუტას მაგნუსის სახელობის უნივერსიტეტი (Vytautas Magnus University - VMU) (კაუნასი, ლიეტუვა) ERASMUS+ მოკლევადიანი გაცვლითი პროგრამის ფარგლებში აცხადებს კონკურსს შერეულ ინტენსიურ პროგრამაზე (Blended Intensive Programme - BIP) 2024-2025 აკადემიური წლის საგაზაფხულო სემესტრისთვის.

შერეული ინტენსიური პროგრამა “ლიეტუვა ფოკუსში: კულტურის ადგილზე შესწავლა” ორგანიზებულია ვიტაუტას მაგნუსის სახელობის უნივერსიტეტის ჰუმანიტარული ფაკულტეტის მიერ.

პროგრამა ითვალისწინებს სავალდებულო ვირტუალურ კომპონენტს (28/04/2025) და ფიზიკურ მობილობას (06/05/2025 – 10/05/2025).

აპლიკანტი უნდა იყოს საქართველოს ტექნიკური უნივერსიტეტის პროფ. ვიდას კავალიაუსკასის ლიეტუვური ენის, კულტურისა და განათლების ცენტრის სტუდენტი და ფლობდეს ლიეტუვურ ენას.

პროგრამის ფარგლებში განსაზღვრულია სტუ-ს ბაკალავრიატის, მაგისტრატურის ან დოქტორანტურის საფეხურის 1 სტუდენტის მობილობა ვიტაუტას მაგნუსის სახელობის უნივერსიტეტში. უპირატესობა მიენიჭება შეზღუდული შესაძლებლობების მქონე კანდიდატს.

მიმართულება: ხელოვნება, ჰუმანიტარული მეცნიერებები და შესაბამისი ინტერდისციპლინარული პროგრამები.

პროგრამა ითვალისწინებს მგზავრობის ხარჯების დაფარვას და სტიპენდიას დღიურად (გათვალისწინებულია 5 სამუშაო დღე და 2 დღე მგზავრობისთვის).

პროგრამის წარმატებით დასრულების შემდეგ მონაწილე მიიღებს შესაბამის სერტიფიკატს და ნიშნების ფურცელს 3 ECTS კრედიტით.

დაინტერესებულმა პირებმა ელექტრონულად უნდა წარადგინონ სააპლიკაციო დოკუმენტაცია (ინგლისურ ენაზე) ცენტრში (ელ.ფოსტა: kalba.kultura@gtu.ge) და, ასევე, საერთაშორისო ურთიერთობების დეპარტამენტში (ელ.ფოსტა: erasmusplus@gtu.ge), მიმდინარე წლის 11 დეკემბრის ჩათვლით.

გასაუბრება საკონკურსო კომისიასთან ჩატარდება 2024 წლის 13 დეკემბერს, 11:00 სთ.

სააპლიკაციო დოკუმენტაცია:

• პირადობის მოწმობის /პასპორტის ასლი
• ცნობა სტუდენტის სტატუსის შესახებ, სწავლების წლის/საფეხურისა და სწავლების ენის მითითებით;
  
• შევსებული სააპლიკაციო ფორმა (ინგლისურ ენაზე) 
• EUROPASS CV (ინგლისურენაზე) 
• სამოტივაციო წერილი (ინგლისურ ენაზე) 
• ლიეტუვური ენის ცოდნის დამადასტურებელი სერტიფიკატი/ცნობა
  
• ნიშნების ფურცელი, GPA მითითებით
• სარეკომენდაციო წერილი, რეკომენდატორის საკონტაქტო ინფორმაციის მითითებით
• არსებობის შემთხვევაში, ცნობა იმის შესახებ, რომ აპლიკანტი არის: სოციალურად დაუცველი, სპეციალური საჭიროებების მქონე, ეროვნული უმცირესობის წარმომადგენელი (ე.წ. „1+4 საგანმანათლებლო პროგრამის“ მონაწილე) ან იძულებით გადაადგილებული პირი (ინგლისურ ენაზე);
• წინა საფეხურზე მიღებული უმაღლესი განათლების დიპლომი და დანართი (არსებობის შემთხვევაში) ან აკადემიური ცნობა

კონტაქტისთვის:
მარიამ სულაბერიძე, სტუ-ს პროფ. ვიდას კავალიაუსკასის ლიეტუვური ენის, კულტურისა და განათლების ცენტრის ხელმძღვანელი
ელ.ფოსტა: kalba.kultura@gtu.ge