ქართულენოვანი პროგრამები

მისანიჭებელი კვალიფიკაცია - საჯარო მმართველობის დოქტორი

პროგრამის მოცულობა - სასწავლო კომპონენტი  50 კრედიტი, სწავლის ხანგრძლივობა არანაკლებ 3 წელი.

სწავლების ენა - ქართული.

სწავლების საფასური - 4000 ლარი.

პროგრამის სტატუსი - აკრედიტებული.

პროგრამის მიზანია:

• საჯარო მმართველობის სფეროს უახლეს მიღწევებზე დამყარებული ცოდნით და აკადემიური კეთილსინდისიერების პრინციპების დაცვით მოამზადოს კვლევის დაგეგმვის და განხორციელების უნარის მქონე, კვლევის სტრატეგიულ მიმართულებებზე ორიენტირებული, შრომის ბაზრისთვის კონკურენტუნარიანი მკვლევარები.
• შესძინოს კურსდამთავრებულებს სახელმწიფოს მშენებლობის, მისი კონსტიტუციური მოწყობისა და ეფექტიანად მართვის მიმართულებით ინოვაციური მეთოდების შემუშავების, კვლევის და გამოყენების უახლეს მიღწევებზე დამყარებული ცოდნა.
• აღჭურვოს კურსდამთავრებულები აკადემიური/პედაგოგიური საქმიანობის, აგრეთვე საჯარო სამსახურის, სახელმწიფო მართვის ინსტიტუციებსა და ორგანიზაციებში ინოვაციური საქმიანობისა და კვლევის განხორციელების უნარით, ჩამოუყალიბოს სფეროს მუდმივად განვითარებაზე ორიენტირებული ხედვა და განუვითაროს შესაბამისი უნარები აკადემიურ და სფეროს მკვლევართა საზოგადოებაში თავისუფლად ინტეგრაციისთვის.
• შესძინოს კურსდამთავრებულებს ინტერდისციპლინურ მიდგომებზე დამყარებული ცოდნით საჯარო მმართველობის სფეროს წინაშე არსებული გამოწვევების ანალიზის, შეფასების და გადაწყვეტის უნარი, პროფესიული კეთილსინდისიერების პრინციპების დაცვით.

მისანიჭებელი კვალიფიკაცია - ბიზნესის ადმინისტრირების დოქტორი

პროგრამის მოცულობა - სასწავლო კომპონენტი  50 კრედიტი, სწავლის ხანგრძლივობა არანაკლებ 3 წელი.

სწავლების ენა - ქართული.

სწავლების საფასური - 4000ლარი.

პროგრამის სტატუსი - აკრედიტებული.

პროგრამის მიზანია:

საგანმანათლებლო პროგრამის მიზანია ბიზნესის ადმინისტრირების  მიმართულებების   თანამედროვე მეცნიერული მიღწევების შესწავლა და შემდგომი განვითარება;  საერთაშორისო დონის აქტუალური პროცესების და მნიშვნელოვანი  პრობლემური საკითხების გადაწყვეტაზე ორიენტირებული, უახლეს მიღწევებზე დამყარებული ცოდნის მქონე, ადგილობრივი და საერთაშორისო შრომის ბაზრისათვის კონკურენტუნარიანი მკვლევარების მომზადება,  ინოვაციური მეთოდების შემუშავების, სამეცნიერო კვლევითი პროცესების წარმართვისა  და პედაგოგიური, სამეცნიერო   მოღვაწეობასთვის.