ქართულენოვანი პროგრამები

მისანიჭებელი კვალიფიკაცია: არქიტექტურის დოქტორი

პროგრამის მოცულობა: სასწავლო კომპონენტი არანაკლებ   40 კრედიტისა, სწავლის ხანგრძლივობა არანაკლებ 3 წელი.

სწავლების ენა - ქართული.

პროგრამის საფასური: 4000 ლარი

პროგრამის სტატუსი - აკრედიტებული

პროგრამის მიზანი

სადოქტორო პროგრამა „არქიტექტური“-ს მიზანია:

• მოამზადოს მაღალი პროფესიული დონის სპეციალისტი არქიტექტურის დარგში სამეცნიერო ანალიტიკური კვლევებისა და სამუშაოების წარმართვისთვის;
• შესძინოს კურსდამთავრებულს, სფეროს მუდმივ განვითარებაზე ორიენტირებით, არქიტექტურული პრობლემების სიღრმისეული მეცნიერული შესწავლა–გაანალიზების, დასაბუთებული დასკვნების გამოტანისა და წარდგენის უნარი აკადემიური და პროფესიული ეთიკის დაცვით;  

• შესძინოს კურსდამთავრებულს აკადემიური/პედაგოგიური საქმიანობის, აგრეთვე არქიტექტურის სფეროში ინოვაციური კვლევის განხორციელების უნარი და განუვითაროს შესაბამისი უნარები აკადემიურ და სფეროს მკვლევართა საზოგადოებაში თავისუფლად ინტეგრაციისათვის.

მისანიჭებელი კვალიფიკაცია: ხელოვნების ისტორიისა და თეორიის დოქტორი

პროგრამის მოცულობა: სასწავლო კომპონენტი არანაკლებ   45 კრედიტისა, სწავლის ხანგრძლივობა არანაკლებ 3 წელი.

სწავლების ენა - ქართული.

პროგრამის საფასური: 4000 ლარი

პროგრამის სტატუსი - აკრედიტებული

პროგრამის მიზანი

სადოქტორო პროგრამა „არქიტექტურათმცოდნეობის“ მიზანია:

• მოამზადოს მაღალი დონის მკვლევარი ხელოვნების ისტორიისა და თეორიის სფეროში, არქიტექტურათმცოდნეობის მიმართულებით, რომელიც მოიცავს მსოფლიო არქიტექტურის განვითარების ძირითად პროცესებს, სტილისტური მახასიათებლების ევოლუციას და ცვლილებას, არქიტექტურული სკოლების თავისებურებებს, ეროვნულ და რეგიონალურ ტენდენციებს, ცალკეული არქიტექტორებისა და ხელოვანთა შემოქმედებას და მუშაობის მეთოდებს; ასევე არქიტექტურულ კრიტიკას, არქიტექტურული შემოქმედების თანამედროვე ნაწარმოებების ახსნასა და შეფასებას;

• შესძინოს კურსდამთავრებულს სფეროს მუდმივ განვითარებაზე ორიენტირებით, არქიტექტურათმცოდნეობის მიმართულებით წარმოქმნილი პრობლემებისა და უმნიშვნელოვანესი საკითხების წამოჭრის, ინოვაციური კვლევის განხორციელების, სიღრმისეული მეცნიერული შესწავლა-გაანალიზების, დასაბუთებული დასკვნების გამოტანისა და საზოგადოების წინაშე აკადემიური კეთილსინდისიერების პრინციპებისა და პროფესიული ეთიკის დაცვით წარდგენის უნარი;

შესძინოს კურსდამთავრებულს აკადემიური/პედაგოგიური საქმიანობის შესაბამისი უნარები სფეროს მკვლევართა საზოგადოებაში თავისუფლად ინტეგრაციისათვის.