საქართველოს ტექნიკურმა უნივერსიტეტმა წარმატებით გაიარა ხარისხის მენეჯმენტის სისტემის საერთაშორისო სტანდარტის — ISO 9001:2015-ის შესაბამისად გათვალისწინებული ხელახალი სერტიფიცირების პროცესი. შედეგად, უნივერსიტეტს განუახლდა ISO 9001:2015 სერტიფიკატი მომდევნო სამი წლის ვადით.

სერტიფიცირების პროცესის ფარგლებში ჩატარდა გარე აუდიტი, რომელმაც მოიცვა უნივერსიტეტის საქმიანობის შეფასება 2022-2024 წლების პერიოდში.

აუდიტის შედეგად მომზადებული დასკვნები და რეკომენდაციები ადასტურებს, რომ უნივერსიტეტის მენეჯმენტის სისტემა სრულად შეესაბამება ISO 9001:2015 სტანდარტის მოთხოვნებს და ხაზს უსვამს ორგანიზაციის გამართულ მმართველობით და ადმინისტრაციულ სისტემას.

ტექნიკური უნივერსიტეტისთვის ხელახლა გაცემული ISO 9001:2015 სერტიფიკატი და აუდიტის ოფიციალური დასკვნა შეგიძლიათ იხილოთ შესაბამის დოკუმენტაციაში:

• აღიარების სერტიფიკატი.

• ISO 9001:2015 სერტიფიკატი.