10-05-2010
დასკვნითი შეხვედრა
3-6 მაისს, საქართველოს ტექნიკურ უნივერსიტეტში გაიმართა ტექნოლოგიის ტრანსფერისა და ტექნოლოგიის ლიცენზირების სამუშაო შეხვედრა. პროექტს აფინანსებდნენ ამერიკის შეერთებული შტატების საელჩო და აშშ-ს ვაჭრობის სამინისტროს კომერციული სამართლის განვითარების პროგრამა. ეს სამუშაო შეხვედრა საქართველოს სამეცნიერო-ტექნოლოგიური განვითარების ფონდთან და საქართველოს ტექნიკურ უნივერსიტეტთან თანამშრომლობით ხორციელდებოდა. 7 მაისს, საქართველოს ტექნიკური უნივერსიტეტის თანამშრომლებისათვის ჩატარდა დასკვნითი შეხვედრა, რომელზედაც ღონისძიების ორგანიზატორებმა შემაჯამებელი მოხსენებები წაიკითხეს.
