სტუ-ში შიდა სპორტული ოლიმპიადა იწყება

22 მაისს საქართველოს ტექნიკურ უნივერსიტეტში შიდა საფაკულტეტო სპორტული ოლიმპიადა იწყება. სტუდენტებს შესაძლებლობა აქვთ დარეგისტრირდნენ და მონაწილეობა მიიღონ ფაკულტეტებს შორის ჩემპიონატებში, რომლებიც სპორტის შემდეგ სახეობებში გაიმართება:

·       კალათბურთი

·       ფუტსალი

·       ფრენბურთი (გოგონები | ვაჟები)

·       მაგიდის ჩოგბურთი (გოგონები | ვაჟები)

·       ჭადრაკი (გოგონები | ვაჟები)

·       ნარდი (გოგონები | ვაჟები)

·       შაში (გოგონები | ვაჟები)

·       მკლავჭიდი (60კგ, 65კგ, 70კგ, 80კგ, 90კგ წონითი კატეგორიები)

·       ბადმინტონი (შერეული)

·       ცურვა (გოგონები | ვაჟები | 50 მ, 100 მ დისტანცია)

მსურველებს, ვთხოვთ, რეგისტრაციისთვის მიმართონ სტუდენტური სერვისების ადმინისტრატორებს ფაკულტეტების მიხედვით.

ფაკულტეტებს შორის ჩემპიონატი ფრენბურთში გაიმართება 22 მაისს, 09:30 საათიდან, სტუ I სასწავლო კორპუსის დარბაზში.

ჩემპიონატი ფუტსალში დაიწყება 22 მაისს, 09:30 საათიდან, სტუ IX სასწავლო კორპუსის დარბაზში.

კენჭისყრა ფუტსალსა და ფრენბურთში გაიმართება 19 მაისს, 14:00 საათზე, სტუ ადმინისტრაციულ შენობაში. აუცილებელია, კენჭისყრის პროცესს ფაკულტეტიდან ერთი წარმომადგენელი დაესწროს.  

22 მაისს, 11:00 საათზე, სტუ VI კორპუსის ფოიეში გაიმართება ჩემპიონატი მაგიდის ჩოგბურთში,  ჭადრაკში, ნარდსა და შაშში.

კენჭისყრა ჩატარდება ადგილზე.

23 მაისს, 11:00 საათზე, სტუ III კორპუსის ეზოში შედგება ჩემპიონატი მკლავჭიდში.

კენჭისყრა ჩატარდება ადგილზე.

25 მაისს, 11:00 საათიდან, სტუ I კორპუსის დარბაზში ჩატარდება ჩემპიონატი ბადმინტონში.

კენჭისყრა ჩატარდება ადგილზე.

გთხოვთ, გაითვალისწინოთ: კალათბურთსა და ცურვაში ჩემპიონატის თარიღისა და დროის შესახებ ინფორმაციას მონაწილეებს სტუდენტური სერვისების საფაკულტეტო ადმინისტრატორები მიაწვდიან.