07-12-2022
ოდესის ეროვნული ტექნოლოგიური უნივერსიტეტი (Odesa National University of Technology) (ოდესა, უკრაინა) სტუდენტებს იწვევს სამეცნიერო ნაშრომების საერთაშორისო კონკურსში- „შავი ზღვის მეცნიერება 2023“ მონაწილეობის მისაღებად, რომელიც შავი ზღვის უნივერსიტეტების ქსელისა (Black Sea Universities Network) და ISEKI-Food ასოციაციის ეგიდით ტარდება.
პირველ ეტაპზე საკონკურსო განაცხადების მიღების ბოლო ვადაა: 2023 წლის 1 თებერვალი.
კონკურსის სამეცნიერო მიმართულებებია:
- სურსათის მეცნიერება და ტექნოლოგიები;
- ეკონომიკა და ადმინისტრირება;
- საინფორმაციო ტექნოლოგიები, ავტომატიკა და რობოტექნიკა;
- ენერგეტიკა და ენერგოეფექტურობა;
- ეკოლოგია და გარემოს დაცვა;
- ტურიზმი, სასტუმრო და რესტორნის ბიზნესი.
კონკურსში მონაწილეობა უფასოა, საუკეთესო ნამუშევრები გამოქვეყნდება.
კონკურსთან დაკავშირებით დამატებითი ინფორმაცია იხილეთ ვებგვერდზე.