14-03-2014
ამერიკელმა მეცნიერმა სტუ-ში ლექცია წაიკითხა
14 მარტს, საქართველოს ტექნიკურ უნივერსიტეტში გაიმართა ლექცია, რომელიც ამერიკის საელჩოს მოწვევით წაიკითხა დოქტორმა სუზენ კლოსტერჰაუზმა (რეგენერაციული პროდუქციის საინოვაციო ინსტიტუტი, აშშ).
ღონისძიება გენდერული თანასწორობის კვირეულის ფარგლებში ჩატარდა.
ლექცია ეხებოდა ქალების ჩართულობას გარემოს დაცვის საკითხებში. ამერიკელმა მეცნიერმა ისაუბრა თავისი ორგანიზაციის მიერ განხორციელებული საქმიანობის შესახებ გარემოს დაცვის მიმართულებით, ასევე, ქალთა როლზე სამეცნიერო მუშაობაში. 