გაცნობებთ რომ განათლების, მეცნიერებისა და ახალგაზრდობის სამინისტროს მიერ განხორციელებული უმაღლესი განათლების რეფორმის ფარგლებში, სატრანსპორტო სისტემებისა და მექანიკის ინჟინერიის ფაკულტეტზე არსებული საბაკალავრო საგანმანათლებლო პროგრამა "სამეწარმეო ბიზნესის ორგანიზაცია და მართვა" გადავიდა მილევად რეჟიმში.
იმ სტუდენტებს, რომლებსაც ამ პროგრამების ფარგლებში დაგროვებული აქვთ 45 კრედიტზე ნაკლები და ამასთანავე, შეჩერებული აქვთ სტუდენტის სტატუსი, სწავლის გაგრძელების მიზნით შეუძლიათ განახორციელონ გარე მობილობა. გარე მობილობა ხორციელდება განათლების სამინისტროს პორტალზე 7 სექტემბრის ჩათვლით https://students.emis.ge/
გთხოვთ, აღნიშნული ინფორმაცია გაითვალისწინოთ და სწავლის შემდგომ გაგრძელებასთან დაკავშირებით დეტალური ინფორმაციის მისაღებად მიმართოთ საქართველოს ტექნიკური უნივერსიტეტის სატრანსპორტო სისტემებისა და მექანიკის ინჟინერიის ფაკულტეტს.
საკონტაქტო: სასწავლო პროცესის მართვის განყოფილება:
მისამართი: კოსტავას 68; სტუ I კორპუსი; V სართული; № 539 ოთახი:
სამუშაო საათები: ორშაბათი-პარასკევი 10:00- 18:00 სთ.
ტელ: (+995 32) 2 77 11 11 (72 55)
ელ. ფოსტა: shubitidzetamar05@gtu.geსაქართველოს ტექნიკური უნივერსიტეტის ვიცე-რექტორმა, პროფესორმა თამარ წერეთელმა და სსიპ სახმელეთო ტრანსპორტის სააგენტოს დირექტორმა ბაკურ მიქაძემ უნივერსიტეტსა და სააგენტოს შორის თანამშრომლობის განახლებულ მემორანდუმს ხელი მოაწერეს.
აღსანიშნავია, რომ მემორანდუმთან ერთად მხარეებმა „პრაქტიკის ხელშეკრულება“ გააფორმეს, რომლის მიზანია საქართველოს ტექნიკური უნივერსიტეტის სატრანსპორტო სისტემებისა და მექანიკის ინჟინერიის ფაკულტეტზე შემუშავებული ახალი სამაგისტრო პროგრამისთვის – „სატრანსპორტო პროცესების მომსახურება“, გამოყენებითი კომპონენტის უზრუნველყოფა.