კომპიუტერული ინჟინერია

პროგრამის შესახებ

კომპიუტერული ინჟინერია ფოკუსირდება რთული ციფრული სისტემების ანალიზისა და პროექ­ტი­რე­ბის თეორიულ და პრაქტიკულ საკითხებზე. იგი მოიცავს ციფრული ტექნოლოგიების მეტად ფართო სპექტრს, დაწყებული სუპერკომპიუტერებიდან და კომპიუტერული სისტემებიდან, დამთავრებული მიკ­როსქემებით. შეიძლება ითქვას, რომ მაღალი ტექნოლოგიების განვითარების დღევანდელ ეტაპზე კომპიუტერული ინჟინერია გადამწყვეტ როლს თამაშობს ციფრული ტექნოლოგიების და გამოყე­ნე­ბი­თი ხასიათის სფეროებში. აქედან გამომდინარე, კომპიუტერული ინჟინერიის სპეციალისტებზე მოთ­ხოვ­ნა შრომით ბაზარზე ძალიან დიდია და მუდმივად მზარდია.

პროგრამის საგანმანათლებლო მიზნები (PEOs)

საგანმანათლებლო პროგრამის მიზანია მოამზადოს შრომის ბაზრის მოთხოვნების შესაბამისი მაღალკვალიფიციური სპეციალისტები, რომლებიც შეძლებენ პროგრამაში მიღებული ცოდნის შენარჩუნებასა და განვითარებას და დარგის უახლეს გამოწვევებზე რეაგირებას. პროგრამის კონკრეტული საგანმანათლებლო მიზნების (PEOs) მიხედვით, სწავლის დასრულებიდან 3–5 წლის განმავლობაში კურსდამთავრებულები:

1. PEO 1

   ფართო ტექნიკური და საინჟინრო ცოდნისა და უნარების გამოყენებით წინ წაიწევენ პროფესიულ კარიერაში კომპიუტერული ინჟინერიის სფეროში.

2. PEO 2

   კომპიუტერული ინჟინერიის მოწინავე მეთოდებსა და ინსტრუმენტებს ეფექტიანად გამოიყენებენ სხვა სფეროებში.

3. PEO 3

   გააგრძელებენ სწავლასა და უწყვეტ პროფესიულ განვითარებას.

პროგრამის სწავლის შედეგები (SOs)

საბაკალავრო საგანმანათლებლო პროგრამის „კომპიუტერული ინჟინერია“ სწავლის შედეგები შეესაბამება პროგრამის მიზნებს და მოიცავს პროგრამის შინაარსით გათვალისწინებულ ძირითად ცოდნას, უნარებს, პასუხისმგებლობასა და ავტონომიურობას:

1. კურსდამთავრებულს შეუძლია რთული საინჟინრო ამოცანების იდენტიფიცირება, ფორმულირება და გადაჭრა საინჟინრო, სამეცნიერო და მათემატიკური პრინციპების გამოყენებით.

2. საინჟინრო დაპროექტების გამოყენებით შეიმუშავებს გადაწყვეტილებებს, რომლებიც კონკრეტულ საჭიროებებს აკმაყოფილებს საზოგადოებრივი ჯანმრთელობის, უსაფრთხოებისა და კეთილდღეობის, აგრეთვე გლობალური, კულტურული, გარემოსდაცვითი და ეკონომიკური ფაქტორების გათვალისწინებით.

3. ეფექტიანად ამყარებს კომუნიკაციას სხვადასხვა აუდიტორიასთან.

4. აცნობიერებს ეთიკურ და პროფესიულ პასუხისმგებლობას საინჟინრო სიტუაციებში და იღებს ინფორმირებულ გადაწყვეტილებებს საინჟინრო გადაწყვეტილებების გლობალური, ეკონომიკური, გარემოსდაცვითი და სოციალური გავლენის გათვალისწინებით.

5. ეფექტიანად მუშაობს გუნდში, რომლის წევრებიც ერთობლივად უზრუნველყოფენ წარმატებულ ლიდერობას, ხელს უწყობენ ურთიერთთანამშრომლობას, ქმნიან ინკლუზიურ გარემოს, ადგენენ მიზნებს, გეგმავენ და ასრულებენ ამოცანებს.

6. შეიმუშავებს და ატარებს შესაბამის ექსპერიმენტებს, აანალიზებს და განმარტავს მონაცემებს და საინჟინრო მსჯელობის საფუძველზე გამოაქვს შესაბამისი დასკვნები.

7. საჭიროებისამებრ იძენს და იყენებს ახალ ცოდნას სწავლის შესაბამისი სტრატეგიების დახმარებით.

პროგრამაზე ჩარიცხულთა და კურსდამთავრებულთა მონაცემები

ინგლისურენოვანი პროგრამა

FT — სრული დატვირთვით სწავლა; PT — ნაწილობრივი დატვირთვით სწავლა.

მიღების პირობები

კონტაქტი

ელ. ფოსტა: info.ics@gtu.ge

აკადემიური დეპარტამენტები

• კომპიუტერული ინჟინერიის დეპარტამენტი