კომპიუტერული ინჟინერია

პროგრამის შესახებ

კომპიუტერული ინჟინერია ფოკუსირდება რთული ციფრული სისტემების ანალიზისა და პროექ­ტი­რე­ბის თეორიულ და პრაქტიკულ საკითხებზე. იგი მოიცავს ციფრული ტექნოლოგიების მეტად ფართო სპექტრს, დაწყებული სუპერკომპიუტერებიდან და კომპიუტერული სისტემებიდან, დამთავრებული მიკ­როსქემებით. შეიძლება ითქვას, რომ მაღალი ტექნოლოგიების განვითარების დღევანდელ ეტაპზე კომპიუტერული ინჟინერია გადამწყვეტ როლს თამაშობს ციფრული ტექნოლოგიების და გამოყე­ნე­ბი­თი ხასიათის სფეროებში. აქედან გამომდინარე, კომპიუტერული ინჟინერიის სპეციალისტებზე მოთ­ხოვ­ნა შრომით ბაზარზე ძალიან დიდია და მუდმივად მზარდია.

პროგრამის საგანმანათლებლო მიზნები (PEOs)

საგანმანათლებლო პროგრამის მიზანია მოამზადოს შრომის ბაზრის მოთხოვნების შესაბამისი მაღალკვალიფიციური სპეციალისტები, რომლებიც შეძლებენ შეინარჩუნონ დ განივითარონ საგანმანათლებლო პროგრამით მიღებული ცოდნა და უპასუხონ დარგის უახლეს გამოწვევებს. აქედან გამომდინარე, საგანმანათლებლო პროგრამის კონკრეტული მიზნებია:

1. PEO 1

   შესძინოს კურსდამთავრებულებს ტექნიკური, საინჟინრო ცოდნა და უნარები კომპიუტერული ინჟინერიის დარგში წარმატების მისაღწევად.

2. PEO 2

   შესძინოს კურსდამთავრებულებს კომპიუტერული ინჟინერიის სფეროს მეთოდებისა და ინსტრუმენტების სხვა დარგებში ეფექტურად გამოყენების უნარები.

3. PEO 3

   შეუქმნას კურსდამთავრებულებს სწავლის შემდგომ საფეხურზე გაგრძელებისა და უწყვეტი პროფესიული განვითარებისათვის მყარი საფუძველი.

პროგრამის სწავლის შედეგები (SOs)

1. ახორციელებს ინჟინერიის, მეცნიერებისა და მათემატიკის პრინციპების გამოყენებით რთული ინჟინრული პრობლემების იდენტიფიცირებას, ფორმულირებასა და გადაჭრას.

2. შეიმუშავებს წინასწარ განსაზღვრული მითითებებით და საინჟინრო პროექტირების მეთოდების გამოყენებით გადაწყვეტილებებს, რომლებიც დააკმაყოფილებს კონკრეტულ საჭიროებებს საზოგადოებრივი ჯანმრთელობის, უსაფრთხოებისა და კეთილდღეობის, ასევე გლობალური, კულტურული, გარემოსდაცვითი და ეკონომიკური ფაქტორების გათვალისწინებით.

3. ახდენს ეფექტურ კომუნიკაციას აუდიტორიის ფართო სპექტრთან.

4. აღიარებს ეთიკურ და პროფესიულ პასუხისმგებლობას საინჟინრო სიტუაციებში და იღებს ინფორმირებულ გადაწყვეტილებას, რომელიც ითვალისწინებს საინჟინრო გადაწყვეტილებების გავლენას გლობალურ, ეკონომიკურ, ეკოლოგიურ და სოციალურ კონტექსტში.

5. ეფექტურად ფუნქციონირებს გუნდში, ვინაიდან გუნდის წევრების ერთობლიობა უზრუნველყოფს წარმატებულ ლიდერობას, ხელს უწყობს ურთიერთთანამშრომლობას და ქმნის ინკლუზიურ გარემოს, ადგენს მიზნებს, გეგმავს და ასრულებს ამოცანებს.

6. შეიმუშავებს და ახორციელებს შესაბამის ექსპერიმენტებს, ახდენს როგორც მონაცემების ანალიზს, ისე მათ ინტერპრეტაციას და საინჟინრო საკითხებზე მსჯელობის საფუძველზე აყალიბებს შესაბამის დასკვნებს.

პროგრამაზე ჩარიცხულთა და კურსდამთავრებულთა მონაცემები

ქართულენოვანი პროგრამა

FT — სრული დატვირთვით სწავლა; PT — ნაწილობრივი დატვირთვით სწავლა.

მიღების პირობები

კონტაქტი

ელ. ფოსტა: info.ics@gtu.ge

აკადემიური დეპარტამენტები

• კომპიუტერული ინჟინერიის დეპარტამენტი