სატრანსპორტო სისტემებისა და მექანიკის ინჟინერიის ფაკულტეტი დღევანდელი ფორმით ჩამოყალიბებულია მანამდე არსებული სატრანსპორტო და მანქანათმშენებლობის ფაკულტეტის დასახელებაში შეტანილი ცვლილების საფუძველზე, რაც განხორციელდა საქართველოს ტექნიკური უნივერსიტეტის აკადემიური საბჭოს 2021 წლის 24 ივნისის №01-05-04/75 დადგენილების და წარმომადგენლობითი საბჭოს (სენატის) 2021 წლის 30 სექტემბრის №01-06-02/37 დადგენილებით.

• მექანიკა-მანქანათმშენებლობის ფაკულტეტი - დაარსდა 1928 წელს და სტუდენტთა პირველი ნაკადი მიიღო იმავე წელს.
• სატრანსპორტო ფაკულტეტი დაარსდა 1959 წელს, როდესაც საქართველოს პოლიტექნიკურ  ინსტიტუტს შეუერთდა თბილისის რკინიგზის ტრანსპორტის ინჟინერთა ინსტიტუტი  და სტუდენტთა პირველი ნაკადი მიიღო იმავე წელს.
• ავტომექანიკური ფაკულტეტი - დაარსდა 1971 წელს და სტუდენტთა პირველი ნაკადი მიიღო იმავე წელს.
• ავტომექანიკური ფაკულტეტის ბაზაზე 1978 წელს დაარსდა  საავტომობილო-საგზაო ფაკულტეტი  და სტუდენტთა პირველი ნაკადი მიიღო იმავე წელს.
• 1990 წელს საავტომობილო-საგზაო ფაკულტეტისა და სატრანსპორტო ფაკულტეტის ბაზაზე დაარსდა სატრანსპორტო ინსტიტუტი, რომელსაც 1995 წლიდან ეწოდა სატრანსპორტო ფაკულტეტი.
• სატრანსპორტო ფაკულტეტისა და მექანიკა-მანქანათმშენებლობის ფაკულტეტების ბაზაზე 2006 წელს შეიქმნა სატრანსპორტო და მანქანათმშენებლობის ფაკულტეტს, რომელსაც 2021 წელს შეეცვალა დასახელება და ეწოდა სატრანსპორტო სისტემებისა და მექანიკის ინჟინერიის ფაკულტეტი.
• 2025 წელს საქართველოს ტექნიკურ უნივერსიტეტში ჩატარებული სტრუქტურული რეორგანიზაციის შედეგად, ფაკულტეტის შემადგენლობაში შემოვიდა მეტალურგიის, მასალათმცოდნეობისა და ლითონების დამუშავების დეპარტამენტი რომელიც მანამდე სხვა ფაკულტეტის შემადგენლობაში არსებობდა.

ამჟამად სატრანსპორტო სისტემებისა და მექანიკის ინჟინერიის ფაკულტეტი წარმოადგენს საქართველოს ტექნიკური უნივერსიტეტის სასწავლო-სამეცნიერო და ადმინისტრაციულ ერთ-ერთ დანაყოფს, რომელიც ამზადებს კვალიფიციურ სპეციალისტებს სატრანსპორტო,  სამანქანათმშენებლო-სამრეწველო, მეტალურგიის და სამეწარმეო  დარგებისათვის. 

ტრანსპორტი ეროვნული ეკონომიკის ერთ-ერთი უმნიშვნელოვანესი და მუდმივად მზარდი დარგია, რომლის განვითარება ეფუძნება მისი ყველა სახეობისა და შესაბამისი ინფრასტრუქტურის ჰარმონიულ შერწყმას. ქვეყნის ტექნოლოგიურ-ინდუსტრიული პროგრესისთვის არანაკლებ მნიშვნელოვანია თანამედროვე სამანქანათმშენებლო წარმოების განვითარება. ამ სისტემას ორგანულად ავსებს მეტალურგიის, მასალათმცოდნეობისა და ლითონების დამუშავების სფერო, რომელიც უზრუნველყოფს ინჟინერიული დანიშნულების მასალების ხარისხსა და კონკურენტუნარიანობას, რაც კრიტიკულია ტრანსპორტისა და ზოგადად მრეწველობის წარმატებული განვითარებისათვის.

საქართველოს ტექნიკური უნივერსიტეტის სატრანსპორტო სისტემებისა და მექანიკის ინჟინერიის ფაკულტეტის მისიას წარმოადგენს ეროვნული მეურნეობის აღნიშნულ დარგებთან მიმართებაში უმაღლესი საგანმანათლებლო და სამეცნიერო-კვლევითი საქმიანობის განხორციელება, მათი საჭირო ხარისხისა და რაოდენობის სპეციალისტებითა და მეცნიერული კვლევის შედეგებით უზრუნველყოფისათვის.

დღეისათვის ფაკულტეტი აერთიანებს შემდეგ დეპარტამენტებს:

- მექანიკის ინჟინერიისა და სამრეწველო ტექნოლოგიების დეპარტამენტი (501);

- ტრანსპორტის და სლოგისტიკის დეპარტამენტი (502);

- საინჟინრო გრაფიკისა და ტექნიკური მექანიკის დეპარტამენტი (503);

- ტრანსპორტის და მრეწველობის მენეჯმენტის დეპარტამენტი (504);

- მეტალურგიის, მასალათმცოდნეობისა და ლითონების დამუშავების დეპარტამენტი (505). 

ფაკულტეტზე არსებული პროგრამების უმეტესი ნაწილი, ეროვნული პრიორიტეტულობიდან გამომდინარე,  სახელმწიფოს მიერ ასი პროცენტითაა დაფინანსებული. დღეს ფაკულტეტი ამზადებს სპეციალისტებს სწავლების ოთხ საფეხურზე (პროფესიული განათლების 17; ბაკალავრიატის 10; მაგისტრატურის 7 და დოქტორანტურის 4 პროგრამა) და საერთაშორისო დონის უმაღლესი კვალიფიკაციის  კადრების მომზადებას უზრუნველყოფს. ფაკულტეტზე მოქმედი საგანმანათლებლო პროგრამები ადაპტირებულია საერთაშორისო სტანდარტებთან, დასავლურ პროგრამებთან და მაღალი თავსებადობით გამოირჩევა. მათი შედგენისას გათვალისწინებულია სხვადასხვა დასავლურ უნივერსიტეტებსა და კოლეჯებში დანერგილი საერთაშორისო პრაქტიკა და გამოცდილება. ფაკულტეტზე ქართულ პროგრამებთან ერთად, ასევე, ხორციელდება ინგლისურენოვანი პროგრამა “მექანიკის ინჟინერია” სადაც სხვადასხვა ეროვნების სტუდენტები სწავლობენ.

პროგრამებში გათვალისწინებულია „საწარმოო პრაქტიკის“ კომპონენტი, რომელიც ხორციელება საქართველოში მოქმედ მსხვილ და საშუალო ინდუსტრიულ სამთავრობო და ბიზნეს ორგანიზაციებთან თანამშრომლობით. ფაკულტეტზე დანერგილია ინოვაციური პრაქტიკა, რაც გულისხმობს დარგობრივ ბიზნეს და სამთავრობო ორგანიზაციებთან აქტიურ თანამშრომლობას სასწავლო და პრაქტიკული სწავლების მიზნებისთვის.

ფაკულტეტზე ასევე ფუნქციონირებს სხვადასხვა ბიზნეს ორგანიზაციების მიერ და საერთაშორისო გრანტებით მოწყობილი თანამედროვე კონცეფციის სხვადასხვა სასწავლო და პრაქტიკული კლასები, ლაბორატორიები და სტუდენტური სივრცეები (მაგალითად: “თეგეტა მოტორსი”, “ავტოტექნო”, “ლაიონ ტრანსის”; “ბაუმერი” “TAM მენეჯმენტი”,  “ELREHA”,  “ფიქრის ოთახი”, „გაყიდვების ლაბორატორია“ და სხვა, სადაც სტუდენტებს, პროფესორ-მასწავლებლებსა და პარტნიორებს მეცადინეობების, ტრენინგების, ვორკშოპების, საჯარო შეხვედრების  და სხვათა ჩატარების შესაძლებლობა აქვთ.

ფაკულტეტი, სტუ-ის ინტერნაციონალიზაციის სტრატეგიის შესაბამისად, აქტიურადაა ჩართული ევროკომისიის ERASMUS+ და სხვა საერთაშორისო პროგრამებიში და სტუდენტებისა და თანამშრომლების აღნიშნულ პროგრამაში აქტიურ მონაწილეობას უზრუნველყოფს. ფაკულტეტის სტუდენტებისა და კურსდამთავრებულებისათვის სწავლის საზღვარგარეთ და შემდგომ საფეხურებზე გაგრძელების შესაძლებლობები მაღალია.

2024 წლის 6 ივნისიდან დღემდე, ფაკულტეტის დეკანია ასოცირებული პროფესორი, ბიზნესის ადმინისტრირების დოქტორი ბორის გითოლენდია,