19/05/2025
აკადემიური პერსონალის მობილობა პოლონეთის ჩესტოხოვას იან დლუგოშის უნივერსიტეტში
სწავლების მიზნით მობილობა განხორციელდა, ქ. ჩესტოხოვის იან დლუგოშის უნივერსიტეტის მეცნიერებისა და ტექნოლოგიების ფაკულტეტზე.
მობილობის ფარგლებში აქტივობები აკადემიურ დატვირთვებთან ერთად, ასევე ითვალისწინებდა სამუშაო გამოცდილების და საუკეთესო პრაქტიკის გაზიარებას შეხვედრების, დისკუსიების და პრეზენტაციების გზით. ასევე სასწავლო რესურსების გაცნობით ტურებსა და კულტურულ აქტივობებს, როგორც უშუალოდ ფაკულტეტზე ასევე უნივერსიტეტის ცენტრალურ ადმინისტრაციაში.
მობილობის ფარგლებში საქმიანი შეხვედრები შედგა ადგილობრივი საერთაშორისო ურთიერთობების ოფისის, საფაკულტეტო და უნივერსიტეტის სხვადასხვა ადმინისტრაციული ერთეულების წარმომადგენლებთან.
ასევე უნივერსიტეტის მეცნიერებისა და ტექნოლოგიების ფაკულტეტის ადმინისტრაციასა და აკადემიურ პერსონალთან. სხვა და სხვა სამუშაო თემებთან დაკავშირებით, ინტერესთა დაახლოების მიზნით გაიმართა არაერთი დისკუსია და შეხვედრა.
ვიზიტის ფარგლებში საქმიანი შეხვედრა შედგა მასპინძელი უნივერსიტეტის ვიცე-რექტორთან საერთაშორისო თანამშრომლობისა და კოოპერაციების მიმართულებით პროფესორ მარკინ სოსნოვსკისთან.
ვიზიტის ფარგლებში განხორციელდა დღის წესრიგით განსაზღვრული ყველა აქტივობა, რომელიც დაგეგმილი იყო მასპინძელი მხარის მიერ. გარდა საქმიანი დისკუსიებისა, შეხვედრებზე წარმოდგენილი იქნა ვრცელი პრეზენტაციები როგორც სატრანსპორტო სისტემებისა და მექანიკის ინჟინერიის ფაკულტეტის, ასევე ზოგადად საქართველოს ტექნიკური უნივერსიტეტის შესახებ.
პოლონურ უნივერსიტეტში ვიზიტის მიზანს წარმოადგენდა ERASMUS+ ფარგლებში მობილობის გააქტიურება და ფაკულტეტის საერთაშორისო აკადემიური თანამშრომლობისა და ინტერნაციონალიზაციის გაძლიერება.
ვიზიტი განხორციელდა ERASMUS+ გაცვლითი პროექტის ფარგლებში, რომელშიც მონაწილეობს საქართველოს ტექნიკური უნივერსიტეტი და რომლის კოორდინატორია ჩესტოხოვას, იან დლუგოშის უნივერსიტეტში (პოლონეთი).