08/04/2025
საინფორმაციო ვიზიტი თბილისის 60-ე საჯარო სკოლაში
შეხვედრის მიზანი იყო, მოსწავლეებისთვის საქართველოს ტექნიკური უნივერსიტეტის, ისტორიის, თანამედროვე განვითარების ეტაპებისა და სტუდენტებისთვის შეთავაზებული აკადემიური შესაძლებლობების გაცნობა. ღონისძიებაზე უნივერსიტეტის წარმომადგენლებმა დეტალურად ისაუბრეს უნივერსიტეტის დაარსების ისტორიაზე, ფაკულტეტების სტრუქტურულ მოწყობაზე, საგანმანათლებლო პროგრამების მრავალფეროვნებაზე და იმ უნიკალურ შესაძლებლობებზე, რასაც უნივერსიტეტი სტუდენტებს სთავაზობს.
შეხვედრა აქტიური და კითხვა-პასუხის რეჟიმში წარიმართა. მოსწავლეები დაინტერესდნენ სხვადასხვა ფაკულტეტების სპეციფიკითა და სტუდენტური ცხოვრების დეტალებით. სტუმრებმა მოსწავლეთა ყველა შეკითხვას ამომწურავად უპასუხეს და პირადად გაუზიარეს წარმატებული სტუდენტური ცხოვრების გამოცდილება.
მომავალი თანამშრომლობის გაღრმავების მიზნით, სკოლის ადმინისტრაციამ გამოთქვა მზაობა, რომ უნივერსიტეტსა და სკოლას შორის ხელი მოეწეროს ურთიერთთანამშრომლობის მემორანდუმს, რომელიც საფუძველს ჩაუყრის ერთობლივ პროექტებს, ტრენინგებს, პროფესიულ ორიენტაციასა და სხვა სასწავლო-განმავითარებელ ინიციატივებს.
ღონისძიება მეგობრული და ინსპირაციული ატმოსფეროთი წარიმართა და იმედს ვიტოვებთ ის მნიშვნელოვან წვლილს შეიტანს სკოლის მოსწავლეთა პროფესიული თვითგანვითარების მოტივაციის ამაღლებაში.