პროფესიული პროგრამების განმახორციელებლებისათვის ტრენინგი ჩატარდა

საქართველოს განათლებისა და მეცნიერების სამინისტროს პროფესიული უნარების სააგენტომ, დაბა ბაკურიანში, საგანმანათლებლო დაწესებულებების კარიერის მართვის და ხარისხის მართვის სამსახურის წარმომადგენლებთან, ჩაატარა ტრენინგი თემაზე: ,,კურსდამთავრებულთა და შრომის ბაზრის კვლევა”.

საქართველოს ტექნიკური უნივერსიტეტიდან, ტრენინგში მონაწილეობას, სატრანსპორტო სისტემებისა და მექანიკის ინჟინერიის ფაკულტეტის ასოც. პროფესორი ნინო თოფურია იღებდა.

ტრენინგის მიზანს წარმოადგენდა პედაგოგების კვალიფიკაციის ამაღლება “დამსაქმებლებისა და ფოკუს ჯგუფებიდან მიღებული ინტერვიუების ანალიზის მეთოდებში.

ტრენინგებზე ასევე განხილული იყო შემდეგი თემები: 

• შრომის ბაზრის როლი პროფესიული განათლების დაგეგმვასა და განვითარებაში;

• რაოდენობრივი კვლევის არსი და მისი მნიშვნელობა შრომის ბაზრისათვის;

• კვლევის მეთოდოლოგია და თვისებრივი კვლევა;

• რაოდენობრივი კვლევის შედეგების გაანგარიშება და ვიზუალიზაცია Excel-ის საფუძველზე;

• MAXQDA-ს გაცნობა მონაცემთა ანალიზისთვის;

• კიბერჰიგიენა; 

• სტრესის მართვა;

საქართველოს  განათლებისა და მეცნიერების სამინისტროს,  პროფესიული უნარების სააგენტოს მიერ  ერთობლივად დაგეგმილი მსგავსი ტრენინგები, ხელს შეუწყობს შრომის ბაზარზე მოთხოვნადი პროფესიული პროგრამების დანერგვას, ინოვაციური სწავლების მხარდაჭერას, კონკურენციის გაუმჯობესებას და უკეთესი დასაქმების შესაძლებლობებს. 

მიღებული ცოდნისა და გამოცდილების გაზიარება პროგრამების განმახორციელებლებისა და ფაკულტეტის აკადემიური პერსონალისათვის იგეგმება.